Friday, October 21, 2022

மாதங்களைக் கொண்டாடும் தமிழ்த்திரை.

   காலத்தின் வரைவுதனில் காவியங்கள் இளைப்பாறும்.கால ஓட்டத்தில் நொடிகள் மான்களென துள்ளிக் குதித்து,நிமிடங் களாய் நேரங்களாய், நாட்களாகி,வாரங்களின் நீட்சியில் மாதங்கள் பன்னிரெண்டாய்,வருடம் ஒன்றாகும்.

 "ஆண்டொன்று போனால் வயதொன்று போகும்"என்பர் வாழ்வியல் கவிஞரெல்லாம்.'அந்த ஒரு நிமிடம்'என்று பின்னோக்கிப் பயணிக்க பலரின் வாழ்க்கையில் மறக்க வொண்ணா தருணங்கள் உண்டு.காலத்தை மீறிய வாழ்க்கை இல்லை. ஆனால் காலத்தை வென்ற மனிதர்களும் அவர் தம் மகத்துவமும் வரலாறாய், இலக்கியமாய், திரைச் சுவையாய் நிலைப்பதுண்டு.

  மாதங்களின் பெயர்களை தலைப் புகளாய்க் கொண்டு'தை பிறந்தால் வழி பிறக்கும்''தை பொறந்தாச்சு', 'சித்திரா பௌர்ணமி''வைகாசி பொறந்தாச்சு','ஆடிப் பெருக்கு', 'கார்த்திகை தீபம்'போன்ற தமிழ்மாத திரைப்படங்களும்,ஜனவரி 1, பிப்ரவரி14,ஏப்ரல் மாதத்தில்,மே மாதம், ஜூன் R,டிசம்பர் பூக்கள் எனும் ஆங்கில மாதங்கள் போற்றும் திரைப்படங்க ளும் பல்வேறு கதைகளுடன் வெள்ளித் திரை கண்டன.

  மாதங்கள் வாழ்த்தும் தமிழ்த்திரை கானங்கள் செவிகள் நிறைத்து மனதில் மகுடம் சூட்டிக் கொண்டன. முதலி்ல் தமிழ் மாதங்களைக் கொண்டாடிய பாடல்களைப் பார்ப்போம்.இதில் முதன்மையான, 

"தை பொறந்தா வழி பொறக்கும் 

தங்கமே தங்கம்

தங்க சம்பா நெல் விளையும் 

தங்கமே தங்கம்"

  எனும் அ.மருதகாசியின் பாடல், கே.வி.மகாதேவன் இசையில் டி.எம்.எஸ்,P.லீலா,எல்.ஆர். ஈஸ்வரி, மற்றும் பொன்னுசாமி ஆகியோர் குரல்களில் காலம் வென்றது.மாசி மாதத்தில் தேன்கலந்து சுவை கூட்டிய பாடலே 'தர்மதுறை'திரைப் படத்தில் கே.ஜே.ஏசுதாஸ் ஸ்வர்ணலதா மனம் மயங்கிப் பாடிய,

"மாசி மாசம் ஆளான பொண்ணு 

மாமன் எனக்கு தானே

நாளை எண்ணி நான் காத்திருந்தேன் 

மாமன் உனக்குத்தானே"

எனும் இசைஞானியின் இசையில் நனைந்த,பஞ்சு அருணாச்சலத்தின் பாடல்.

  பங்குனி மாதத்தை முன் நிறுத்தி சித்திரை மாதத்தை எதிர்நோக்கும் பாடலே 'தேடி வந்த செல்வம்'திரைப் படத்தில் டி.ஜி.லிங்கப்பாவின் இசையில் மனம் குழையச்செய்த, தஞ்சை ராமைய்யாதாஸின், 

பங்குனி போயி சித்திரை வந்தா பத்திரிக்க

வந்துடும்  

கல்யாண பத்திரிக்க வந்துடும் 

அதபாத்தவுடனதான் எனக்கு 

நித்திரையும் வநதுடும்"

எனும் டி.எம்.எஸ்.P.சுசிலா குரல்களில் ஒலித்த எளிமையான வரிகள்.

 'ராமன் எத்தனை ராமனடி' திரைப் படத்தில் சித்திரை மாதத்தை சிறகடித்துப் பறக்கச்செய்த பாடலே, P.சுசிலா ஏகாந்தமாய்ப் பாடிய,

"சித்திரை மாதம் பௌர்ணமி நேரம்

முத்துரதங்கள் ஊர்வலம் போகும்" 

எனும் மெல்லிசை மன்னர் மகத்துவமாய் மெட்டுகட்டிய,கவியரசு கண்ணதாசனின்,ரயில் பயணப் பாடல்.

  'நினைவுச்சின்னம்'திரைப்படத்தில் வைகாசி மாசத்திற்கு வாழைமரம் கட்டியது இளயராஜாவின் இசையில் இளையோன் கங்கை அமரனின் பாடல் வரிகளாக

வைகாசி மாசத்துல பந்தல் ஒன்னு போட்டு
ரெண்டு வாழை மரம் கட்டபோறேன்டி

  என்று எஸ்.பி.பி.யும் கே.எஸ் சித்ராவும் இசையால் வாழைமரத் தோரணம் கட்டிய பாடல்.

  ஆனி மாதத்தையும் ஆவணி மாதத்தையும் ஒன்றாகக் கோர்த்து தேனிசையாய் வந்தது'பாமா விஜயம்' திரைப்படத்தில் P.சுசிலா,சூலமங்களம் ராஜலட்சுமி,எல்.ஆர் ஈஸ்வரி மூவரும் மகிழ்ச்சியில் மனமுவந்து பாடிய

"ஆனி முத்து வாங்கிவந்தேன் 

ஆவணி வீதியிலே;

அள்ளி வைத்து பார்த்திருந்தேன் 

அழகுக் கைகளிலே" 

எனும் மெல்லிசை மன்னரின் இசையில் ஊரிய கண்ணதாசனின் வரிகள்.

   அதே போன்று ஆடி,ஜப்பசி இரண்டு மாதங்களையும் ஒருசேர அன்பால் அணைத்து,நம்மை மனமுருகச்செய்த பாடலே 'வில்லன்' திரைப்படத்தில் வித்யாசாகரின் இதமான இசையில் நனைந்த, 

"ஆடியல காத்தடிச்சா ஐப்பசியில் மழையடிக்கும்

ஆறுகுளம் ஊத்தெடுக்கும் அன்பு மகனே"

எனும் பாடு நிலா எஸ்.பி.பி குரலில்,குளிர்ந்த பாடல்.

  இதே எஸ்.பி.பி,எஸ்.ஜானகயுடன் இணைந்து இளையராஜாவின் இன்னிசையில் வாலியின் வரிகளை கும்மாளமாக்கியது,

"ஆடி மாச காத்தடிக்க வாடி உன்ன சேத்தணைக்க

மானே மாங்குயிலே" 

எனும் ரஜினியின்'பாயும் புலி' திரைப்படப்பாடல்.

  ஆவணி மாதத்தை மங்கையுடன் சுவைக்க வைத்து,சுகம் கண்ட பாடலே, 'உத்தரவின்றி உள்ளே வா'திரைப் படத்தில் காதலைக் கொண்டாடிய,

"மாதமோ ஆவணி மங்கையோ மாங்கனி

நாளிலே நள்ள நாள் நாயகன் வென்ற நாள்"

   எனும் காதல் களிப்பேற்றிய பாடல்.எஸ்.பி.பி  P.சுசிலா ஆகியோ ரின் தெவிட்டாக்குரல்களில், தென்றலாய் வீசிய இப்பாடலை, கவியரசு எழுத மெல்லிசை மன்னர் இசையால் இனிக்கச் செய்தார்.

    தீபத்தை கையல் ஏந்தி கார்த்திகை மாதத்தை. காணச்செய்தது 'வீரத் திருமகன்'திரைப்படத்தில் P.சுசிலா குழுழனவினருடன் பாடிய 

"ஏற்றுக தீபம் போற்றுக தீபம்

கார்த்திகை தீபம்"  

   எனும் விஸ்வனாதன் ராமமூர்த்தி யின் இரட்டை சிறகுகளில் பறந்த, ஒற்றைக்கவிஞன் கண்ணதானின் பாடல் பறவை.

  மார்கழி என்றவுடன் மார்பில் குழவி எனத் தழுவுகின்ற இரண்டு பாடல்கள் உண்டு.'சங்கமம்' திரைப் படத்தில் உன்னிகிருஷ்ணன் மதுமிதா குரல்களில் நம்மோடு கொஞ்சி விளையாடிய,

"மார்கழி திங்களல்லவா

மதி கொஞ்சும் நாளல்லவா

இது கண்ணன் வரும் பொழுதல்லவா".

  எனும் ஏ.ஆர்.ரெஹமான் இசையில், என்றும்  சோடைபோகாத மற்றுமொரு கண்ணன் பாடலாய் அமைந்த வைரமுத்துவின் மகத்தான வரிகள்.

   புனிதமாகப் பலரால் கருதப்படும் மார்கழி மாதத்தின்  பெயர் போற்றும் இன்னொரு பாடலே,மே மாதம் திரைப் படத்தில் இடம் பெற்ற

"மார்கழிப்பூவே மார்கழிப்பூவே

உனமடிமேலே ஓர் இடம் வேண்டும்"

  எனும் ஷோபா சங்கரின் கனமான குரல்களில் ஏக்க மலர்கள் தூவி,மணம் பரப்பிய பாடல்.இந்த நெஞ்சை முட்டும் வரிகளும் கவிப்பேரரசின் கற்பனை யில் இசைப்புயலின் தணிந்த வேகத் தில் நம் எல்லோயையும் இனம் புரியா ஏக்கத்தில் தள்ளியது.

   மார்கழி மாத்தின் மகிமையை பெண்மைக்கு வழங்கி கவுரவித்த, 'பாவமன்னிப்பு'திரைப்படத்தின் "மாதங்களில் அவள் மார்கழி"எனும் வரி, P.B.சீனிவாஸ் பாந்தமாய்ப்பாடிய "காலங்களில் அவள் வசந்தம்" பாடலுக்கு,பிரகாசம் கூட்டியது. விஸ்வநாதன் ராமமூர்த்தி இசையில் கண்ணதாசனின் கவிதைச்சிறப்பில், காலத்தில் நின்ற பாடலிது.

   மார்கழி மாதத்துடன் மோகமும் கலந்து நம்மை மயக்கத்தில் திக்குமுக்காடச் செய்த பாடலொன்று சிவாஜி கணேசனும் சாவித்திரியும் ஜோடி சேர்த்து நடித்த பிராப்தம் திரைப்படத் தில் இடம் பெற்றிருந்தது. நடிகை சந்திரகலாவுக்காக எல்.ஆர்.ஈஸ்வரி இனிமையாய்ப்பாடிய,

இது மார்கழிமாதம் 

இது முன்பனிக்காலம்

கண்ண மயக்குது மோகம்

ஏன் நடுங்குது தேகம்

 என காதல் மயக்கத்தை கவிதை யாக்கி எம்.எஸ்.வி இசையில் மனக் கண்களுக்கு தையலால் மையிட்ட கவியரசின் வரிகள்.

 மேற்சொன்ன பாடல்களில் புரட்டாசி மாதப் பெயர் அல்லாது இதர பதினோரு மாதங்களின் பெயர்களும் ஒரு முறையோ அல்லது இருமறையோ இடம் பெற்றிருந்ததைக் காணலாம்.

   ஆங்கில மாதங்களைப் பொறுத்த வரை, திரைப்பட தலைப்புகளில் ஓரளவு இடம்பெற்றிருந்தாலும் பாடல்கள் மிகக்குறைவே. அவற்றில் 'இதயம்' படத்தில் இளைஞர்களின் ஏமாற்றத்தை பிரசவித்த, 

"ஏபரல் மேயிலே பஙுமையேயில்ல

காஞ்சு போச்சுடா"

  என்ற இளயராஜா இசையமைத்து தானே தீபன் சக்ரவர்த்தி  எஸ்.என் சுரேந்தருடன் சேரந்து பாடிய, வாலியின் பாடலும், சரணின் 'ஜே ஜே' படத்தில் சுசித்ரா,ரீமா சென்னுக்காக பரத்வாஜ் இசையில் பாடிய,

"மே மாச தொன்னூத்தெட்டில் மேஜர் ஆனேனே" 

எனும் வைரமுத்தவின் மாறுபட்ட பாடலும்,

  'பிரியமானவளே' திரைப்படத்தில் வாலியின் வரிகளிலும் எஸ்.ஏ.ராஜ் குமார் இசையிலும் அமைந்து,சங்கர் மகாதேவன் &ஹரினி குரல்களில் குதூகலம் பரப்பிய,

"ஜூன் ஜூலை மாத்தில் 

ரோஜாப்பூவின் வாசத்தில்

ஜூனியர் சூரியன் கையில் கிடைக்கும்"

  பாடலும்,அதே வாலி வரியமைத்து ஹாரிஸ் ஜெயராஜ் இசை கொட்டி, கிருஷ் மற்றும் அருணும் பாடிய

"ஜூன் போனால் ஜூலைக் காற்றே 

கண் பார்த்தால் காதல் காற்றே"

  எனும் 'உன்னாலே உன்னாலே' திரைப்படப் பாடலும், இறுதியாக 'அலைபாயுதே' திரைப்படத்தில் ரெஹ்மானின் இசையில் சங்கர் மகாதேவனும் பிரபல இந்திப் பாடகர் ஆஷா போஸ்லேயும்  உரத்த குரல் களின் கரகோஷத்தால் பரவசமூட்டிய

"செப்டம்பர் மாதம் செப்டம்பர் மாதம்

வாழ்வின் துன்பத்தை தொலைந்து விட்டோம்

அக்டோபர் மாதம் அக்டோபர் மாதம்

வாழ்வின் இன்பத்தை தொலைத்து விட்டோம்"

  எனும் வைரமுத்தவின் மாத முரண் பாடுகளை முன் நிறுத்திய பாடலும், தமிழ்த்திரையுலகின் ஆங்கில மாதப் பெருமைகளாகும்.

   மாதங்கள் கால ஓட்டத்தின் எல்லைக்கற்கள்.அந்த எல்லைக்கற் களை கவிதை மாலைகளாய் தொடுத்து பல இசைக்கரங்களால் அலங்கரித்த அற்புதத்தை, தமிழ்த் திரை தளராது அரங்கேற்றியது என்பதை,இப்பதிவில் கண்டோம். விட்டுப் போன மாதங்களும் அவை பற்றிய பாடல்  வரிகளும் நினைவுப் புத்தகத்தின் சில மறதிப் பக்கங்களே!மாதங்களோடு சேர்த்து மாதங்களை சிரசில் ஏற்றிய பாடல் களையும், மனமகிழ்ந்து போற்றுவோம்!

               ============0============







Wednesday, October 12, 2022

Jamuna's gentle acting profile.

   



   Jamuna one of the prime actresses of Telugu Cinema has also had a scintillating stint in Tamil Cinema,with her captivating eyes and graceful reflection of womanhood.She would have acted in nearly 200 Telugu films but her appearance in Tamil films will be less than 15% of her Telugu contribution.Nevertheless,she made herself memorable in Tamil Cinema too.

  Starting her career in Tamil Cinema,with the film Panam Paduthum Paadu along with N.T.Ramarao and Sowcar Janaki, Jamuna went on to act with topnotch heroes like MGR,Sivaji Ganesan,Gemini Ganesan,A.Nageswararao and Jai Shankar.

   Jamuna's single film with MGR was Thai Magalukku Katyiya Thaali.Whereas,with Sivaji Ganesan she made a mark in films like Thenaly Raman,Bommai Kalyanam, Thangamalai Ragasiyam,Nichaya Thamboolam and Marudha Naattu Veeran.Of these,Thangamalai Ragasiyam with the historic P.Suseela's number "Amudhai Pozhiyum Nilave"will live long in audience memory as one of the most remarkable Tamil films of Jamuna.Same is the case with Sridhar's Nichaya Thamboolam showing Sivaji as a suspicious husband and Jamuna as his docile and dignified wife.Songs of T.M.Soundarajan like"Paavaadai Thaavaniyil Paartha Uruvama" and 'Padaithaane Manidhanai Aandavan Padaithaane"will bring the entire theme and narration of the storyline of the film, besides throwing light on the anguished and victimized character of Jamuna.

   Jamuna was paired with Gemini Ganesan in Nalla Theerpu and with Nageswara Rao in films like Thiruttu Raman,Pakka Thirudan and Manidhan Maaravillai.As a spolit daughter of rich and aristocratic parents,Jamuna perfectly fitted into characters in films like Missiamma, Manidhanai Maaravillai and Kuzhandhai yum Dheivamum.In Manidhan Maaravillai it was really a treat to watch her getting transformed into a perfectly understanding wife of Nageswararao from a pampered daughter of a wealthy woman {Sundaribai}who was the incarnation of greed.Manidhan Maaravillai was a breezy movie retold from its original Telugu version.The way Nageswararao would transform his wife Jamuna into a responsible wife was shown with immacculate grace and humour.The song "Kaadhal Yaathiraikku" sung by A.L.Ragavan and P.Suseela,is one of my most heart throbbing tunes from Tamil cinema.

   Kuzhandhaiyum Dheivamum was an excellent film released under the AVM banner.Paired with Jaishankar,an economically ill placed man in the film,Jamuna had to undergo the tormenting ordeal of separation from her husband,whom she ardently loved,on account of her wealth-conscious,snobbish and scheming mother,{neatly played by G.Varalakshmi}.As the title goes,Jaishankar and Jamuna were blessed with two daughters born as identical twins.Owing to the foul scheming of Jamuna's mother,the couple would get separated and the twins{powerfully played by Kutti Padmini} would also be separated between the two parents.The film came to a happy end with the clever daughters suceedding in their contrived moves,towards uniting their parents, besides reforming the attitude and behaviour of their grandmother. 

  Kuzhanthaiyum Dheivamum was one of the brilliant films from AVM Productions and the memories of this wonderful film will be ever haunting audience memory as a great tale well told through the ripe role play of actors like Jaishankar, Jamuna, Nagesh,T.K.Bhagavadhi,G.Varalakshmi, and the cute little girl Kutti Padmini.

  Jamuna's modest performance in that film exhibited her magnificent feminine fortitude and facial felicity.She poignantly brought out the radiance of romance and the ripping pains of love and separation. Songs of the film(Anbulla Mannavare sung by TMS and P.Suseela and the other song Kozhi Oru kootiile,Seval oru  koottile charmingly rendered by M.S.Rajeswari, Naan Nanri Solven En Kangalukku, Pazhamudhircholaiyile and Kuzhandhaiyum Dheivamum Gunathaal Onru all sung by P.Suseela)would perpetuate the grandeur of the film.Above all,this was one of the top most Tamil films of Jamuna,which endeared her more to the Tamil audience.

   Jamuna was last seen in another A.V.M banner film Thoongaadhe Thambi Thoongaadhe as the mother of Kamal in dual roles,again as identical twins . Jamuna's restrictive contribution to Tamil cinema radiates her quality of performance as a multi lingual actor enthralling the Tamil film goers with natural grace in looks and governance in portrayal of roles with control, commitment and concern for meanigful depiction of characters.This post is a special dedication to a former glorious actress,who is in her mid eighties now.

Sunday, October 2, 2022

தமிழ்த்திரையில் திரண்ட ஊர்கள்

"எந்த ஊர் என்றவனே

இருந்த ஊரைச் சொல்லவா 

அந்த ஊர் நீயும் கூட 

அறிந்த ஊர் அல்லவா"  


  என்று தொடங்கும் பாடலொன்று எஸ்.எஸ்.ராஜேந்திரன் &பத்மினி இணைந்து நடித்த 'காட்டு ரோஜா'எனும் திரைப்படத்தில் இடம் பெற்றிருந் தது.கே.வி.மகா தேவன் இசையில், P.B.ஸ்ரீனிவாஸ் பாடிய கண்ணதாச னின் இந்த அரிய பாடலில்,உடலூர், உறவூர்,கருவூர்,மண்ணூர்,கண்ணூர், கலையூர்,காலூர்,காளையூர் விழியூர், பாலூர் காதலூர்,கன்னியுர்,கீழூர், சேர்த்து,மேலூர் வேலூர்,பள்ளத்தூர், கடலூர்,மேட்டூர் போன்ற தமிழக ஊர்களும் இடம்பெற்றிருந்தன. கற்பனையால் எண்ணற்ற மாய ஊர்களைப் படைத்தார் கவியரசு கண்ணதாசன்.

  ஊர்களின் பெயர்களைத் தாங்கி நம்ம ஊர் நாயகன்,ஊர்க்காவலன்,ஊர் மரி யாதை,நம்ம ஊரு நல்ல ஊரு,எங்க ஊரு பாட்டுக்காரன்,எங்க ஊரு காவக் காரன்,தம்பிக்கு எந்த ஊரு,தம்பிக்கு இந்த ஊரு,படங்கள் மட்டுமல்லாது, ராமராஜனின் வெள்ளி விழாப் படமான கரகாட்டக்காரன் திரைப்படத்தில் நகைச்சுவையாய் அமைந்த, 

"ஊருவிட்டு ஊரு வந்து

காதல் கீதல் பண்ணாதீங்க"

 எனும் பாடலின் முதல் வரியே,பின்னர் அதே ராமராஜனின்,வேறொரு திரைப் படத் தலைப்பாயிற்று.

   ஊரைச்சுற்றிவந்த திரைப்பாடல் களில்'தேனிலவு'திரைப்படத்தில் தன்னை ஏமாற்றுபவனை நல்லவன் என ஒரு பெண் நம்பிப்பாடுவதாக அமந்த,ஜிக்கி குரலில் நாம் கேட்ட, 

"ஊரெங்கும் தேடினேன் 

ஒருவரைக் கண்டேன்

அந்த ஒருவரிடம் தேடினேன்

உள்ளத்தைக் கண்டேன்" 

  எனும் ஏ.எம்.ராஜாவின் இசையில் அமைந்த பாடலும்,'படிக்காத மேதை" திரைப்படத் தில் அதே கண்ணதாசன் வரிகளை கே.வி.மகாதேவன் இசையமைக்க,டி.எம்.எஸ்ஸும் சூலமங்கலம் ராஜலட்சுமியும் பாடிய, 

"ஒரே ஒரு ஊரிலே ஓரே ஒரு ராஜா

ஒரே ஒரு ராஜாவுக்கு ஒரே ஒரு ராணி"

  எனும் தெளிந்த நீரோடையாய் அமைந்த பாடலும்,ரஜினியின்'படிக்கா தவன்'திரைப்படத்தில் கே.ஜே. ஏசுதாஸ் அட்டகாசமாய்ப் பாடிய,

"ஊரத் தெரிஞ்சுகிட்டேன்

உலகம் புரிஞ்சுகிட்டேன்

கண்மணி ஏங்கண்மணி"

எனும் இளையராஜாவின் மேலான இசையிலமைந்த,வைரமுத்தவின்  மேன்மைமிகுப் பாடலும் தனியிடம் பிடிக்கும்.

   ஊர்களின் பெயர்களைக் கொண்டு திரைப்படத்தலைப்புகளைப் படைப் பதில் மன்னராக விளங்கிய,        இயக்குனர் பேரரசுவின் இயக்கத்தில் உருவான,திருப்பாச்சி,சிவகாசி, திருப்பதி,பழனி,மருதமலை,தர்மபுரி திருவண்ணாமலை,மற்றும் திருத்தனி ஆகிய திரைப் படங்கள் தனித்தன்மை வாய்ந்தவை. இவற்றோடு ஆர்.கே. செல்வமணியின் 'செங்கோட்டை', பிரியதர்ஷனின் 'காஞ்சிவரம்' மணி ரத்னத்ணின் 'பாம்பே' ஆர்.பன்னீர் செல்வத்தின் 'ரேணிகுண்டா',பாரதி கண்ணனின், 'திருநெல்வேலி' ப.ரஞ்சித்தின் 'மெட்ராஸ்'போன்ற திரைப்படங்களும் வந்தன.மேலும் மாநிலங்களின் பெயர் வைத்து சரத்குமார் நடித்த 'ராஜஸ்தான்' எனும் படமும் தமிழ்திரை கண்டது.

   ஊர்களின் பெயருடன் கதாநாயகன்/ கதாநாயகியின் பெயரையும் கொண்ட, மதுரை வீரன்,செங்கோட்டை சிங்கம், மலையூர் மம்பட்டியான்,சேலம் விஷ்ணு,கோயம்பத்தூர் மாப்பிள்ளை, புதுக்கோட்டையிலிருந்து சரவணன், திண்டுக்கல் சாரதி,அம்பா சமுத்திரம் அம்பானி,ரெங்கூன் ராதா,சித்தூர் ராணி பத்மினி,போன்ற திரைப்படத் தலைப்புகளையும் தமிழ்த்திரை சந்தித்த துண்டு. இவை எல்லாம் போதாதென்று 'வேலூர் மாவட்டம்' என்ற தலைப்பிலும் ஒரு திரைப்படம் இறங்கியது.ஊர்களின் பெயர்களைத் தாங்கி பயணித்த,நீலகிரி எக்ஸ்பிரஸ், மதராஸ் டு பாண்டிச்சேரி,திருமலை தென்குமரி,சிம்ளா ஸ்பெஷல்,போன்ற நினைவில் வேரூன்றிய திரைப்படங் களும் உண்டு.

 பல ஊர்களின் பெயர்களை பரிச்சியப் படுத்தும் சில பாடல்கள் தமிழ்த்திரை யில் கேட்டிருப்போம்.இதற்கு ஆரம்பப் புள்ளி இட்டதே,'மக்களைப் பெற்ற மகராசி' திரைப்படத்தில் சிவாஜிக்காக டி.எம்.எஸ் பாடிய,

"மணப்பாற மாடுகட்டி 

மாயவரம் ஏறுபூட்டி

வயக்காட்ட உழுது போடு செல்லக்கண்ணு"

   எனும் மறக்கமுடியாத பாடல். இப்பாட லில் ஆத்தூர்,மதுரை, பொள்ளாச்சி, விருதுநகர் ஆகிய ஊர்களின் பெயர்கள் வலம்வரும்.இதே திரைப் படத்தில்,

"அடி தாராபுரம் தாம்பரம் 

உன் தலையில கனகாம்பரம்

அட ஏகாம்பரம் சிதம்ரம்

உன் இடுப்புல பீதாம்பரம்"

  என்று இரண்டு ஊர்களை உள்ளடக் கிய எஸ்.சி.கிருஷ்ணனும்T.G ரத்ன மாலாவும் பாடிய நகைச்சுவை பாட லொன்றும் ரசிகர்களை வெகுவாக மகிழ்வித்தது.இப்பாடலை,கவிஞர் தஞ்சை ராமைய்யாதாஸ் எழுதியிருந் தார்.

  பேரறிஞர் அண்ணாவின்'காதல் ஜோதி'திரைப்படத்தில் சீர்காழி கோவிந்தராஜன் ஆனந்தமாய்ப்பாடிய,

"உன்மேல கொண்ட ஆச,உத்தமியே மெத்த உண்டு

சத்தியமா சொல்லுரேண்டி 

தங்க ரத்தினமே 

தாளமுடியாது கண்ணே 

பொன்னு ரத்தினமே"

என்ற காதல்சுவைப் பாட்டின் இடையே,

"ஈரோட்டு சந்தையிலே எனக்கு வேட்டி

எடுத்துக்குவோம்

காஞ்சிபுரம் சிலுக்குசேல தங்க ரத்தினமே

தந்து கண்ணாலம் கட்டிக்குவோம் தங்கரத்தினமே"

  எனும் இதயபூர்வமான வரிகள் இடம் பெரும்.இந்த சீர்காழியாரின் குழை வான பாடல்,டி.கே.ராமமூர்த்தியின் இனிய இசையில் நம் மனம் மயங்கச் செய்தது.

  இதே போன்று,கே.பாலச்சந்தரின் 'பூவா தலையா'திரைப்படத்தில்,

"மதுரையில் பிறந்த மீன்கொடியை

உன் கண்களில் கண்டேனே" 

  எனத்தொடங்கும் டி.எம்.சௌந்தர் ராஜன் பாடிய பாடலில்,தஞ்சை, காஞ்சி,குடந்தை, தூத்துக்குடி,போன்ற ஊர்களின் பெயர்கள் அணி வகுக்கக் காணலாம்.எம்.ஜி.ஆரின் 'தேர்த் திரு விழா'திரைப்படத்தில் ஜெயலலிதாவுக் காக பி.சுசிலா பாடிய,

"தஞ்சாவூரு சீமையிலே கண்ணு

தாவி வந்தேன் பொன்னியம்மா"

எனும் பாடல்,பூம்புகார்,மதுரை,ஆகிய ஊர்களைச் வேகமாகச் சுற்றி வரும்.  

    தஞ்சாவூரை முன் வைத்து வரையப் பட்ட  வைரமுத்துவின் வரிகளுக்கு தேவா இசையமைத்து பாடகர் கிருஷ்ணராஜ் பாடிய வசீகரப்பாடலே 'பொற்காலம்' திரைப்படத்தில் தொழி லோடு மணம்சேர்த்த,

"தஞ்சாவூரு மண்ணு 

தாமிரபரணி தண்ணிய விட்டு 

சேர்த்து சேர்த்து செஞ்சதிந்த பொம்ம

இது பொம்மையில்ல உண்ம"

எனும் ஒப்பற்றபாடல்.

இதே வேகத்தில்'சின்னப்பசங்க நாங்க' எனும் திரைப்படத்தில் இளைய ராஜாவின் இசையில் வாலியின் வரிகளை ரேவதி மற்றும் அவரைச் சுற்றியுள்ளோர் மகிழ்ச்சியுடன் பாடுவது போல,எஸ்.ஜானகி குழுவினருடன் பாடிய,

"என்னை மானமுள்ள பொண்ணு இன்னு 

மதுரையிலே கேட்டாக மன்னார்குடியில் 

கேட்டாக 

அந்த மாயவரத்துல கேட்டாக"

  எனும் சுகமான பாடலில், கோயமுத்தூர்,சின்னமனூர், கண்டமனூர்,மட்டுமல்லாது,மாநிலம் கடந்து 'நெல்லூரில கேட்டாக'என்றும், நாடு கடந்து,'சிங்கப்பூரில கேட்டாக' எனும் வேடிக்கையின் விருட்சத்தில், சுயப்பெருமை களைகட்டும். 

  மேலும்'அழகிய தமிழ்மகன்'திரைப் படத்தில் பென்னி டயாள், அர்ச்சித், தர்ஷனா.கே.டி, ஆகியோர் குரல்களில் ஒலித்த,

"மதுரைக்கு போகாதடி 

அங்கே மல்லிப்பூ கண்ண வைக்கும்"

  என்ற பாடலில்,தஞ்சாவூர், தூத்துக்குடி,கொடைக்கானல் போன்ற ஊர்களின் பெயர்கள் பொங்கிவரும். இந்த மென்மையான பா.விஜயின் வரிகள்,ஏ.ஆர்.ரெஹமான் இசையில் தனி நர்த்தனமாடின.

 இசைப்புயல் ஏ.ஆர்.ரெஹ்மானின் ஏகபோக இசையில்,"யாதும் ஊரே யாவரும் கேளீர்"எனும் பாணியில் 'சிவாஜி'திரைப்படத்தில் ஆரவாரத்தை ஏற்படுத்திய,நா.முத்துகுமாரின், 

"பல்லே லக்கா பல்லே லக்கா

சேலத்துக்கா மதுரைக்கா மெட்ராசுக்கா

திருச்சிக்கா,திருத்தணிக்கா,

அண்ணன் வந்தா தமிழ்நாடும்

அமெரிக்கா"

  எனும் உலகளாவிய பாடலை எஸ்.பி.பி, பென்னி டயாள், ஏ.ஆர். ரெஹானா ஆகியோர் உற்சாகத்தை உரமாக்கி,பாடியிருந்தனர். 

  மதுரையின் பெயரைக் கொண்டாடிய வேறொரு பாடலை கார்த்தியும் கல்பனாவும்'திருவிளையாடல் ஆரம்பம்'திரைப்படத்தில் பரவசமாய்ப் பாடியிருந்தனர்.

"மதுர ஜில்லா மச்சான்தான்டி

என் ஜாதகத்தில் குரு உச்சம்தான்டி"

  எனும் விவேக்கின் குறும்புத்தனமான இப் பாடலில் 'பட்டுக்கோட்டை'எனும் ஊரின் பெயரும் இடம் பெரும். ஆடல் கலந்த இப் பாடலுக்கு D.இம்மான் இசையமைத்திருந்தார்.மதுரையின் மணம் பரப்பிய,நெஞ்சில் இனித்த மற்றொரு பாடலே'எங்க ஊரு பாட்டுக் காரன்'திரைப்படத்தில் மனோ,கே.எஸ் சித்ரா குரல்களில் நம்மை வசீகரித்த,

"மதுர மரிக்கொழுந்து வாசம்

என் ராசாத்தி ஒன்னுடைய நேசம்".     

    எனும் கங்கை அமரன் வரிகளிலும் இளையராஜாவின் இசை இனிமை யிலும்,தேனாய் இனித்த பாடல். 

 கமலின் 'பம்மல் சம்பந்தம்' திரைப் படத்தில் பா.விஜயின் வரிகள் கொண்டு,தேவாவின் இசையில் ஒலித்த பாடல் வரிகளே,

"திண்டுக்கல் பூட்ட போட்டு 

வாய பூட்டிக்கோ ஓஹோ 

கோயம்புத்துர் பஞ்ச வச்சி 

காத பொத்திக்கோ ஓஹோ 

ஏ காரைக்குடி உங்கப்பன் வீடு 

நீயும் போய்க்கோ ஓஹோ 

தஞ்சாவூர் பொம்மைக்கு 

இந்த தலைக்கணம் எதுக்கோ"   

 இந்த பாடலை சங்கர் மகாதேவனும் மகாலக்ஷ்மி அய்யரும் அமர்களமாய்ப் பாடியிருந்தனர். 

ஊரைச் சுற்றிவந்த பாடல்களில், ஊரைக்குறை கூறிய,

"மெட்ராஸ் நல்ல மெட்ராஸ் 

இங்க மெதுவா போறவங்க யாருமில்ல; 

சரியா தமிழ் பேச ஆளுமில்ல;

ஆம்பளைக்கும் பொம்பளைக்கும்

வித்யாசம் தோணல. 

அநியாயம் ஆத்தாடியோ!" 

  என்று வரிக்கு வரி,தமிழகத் தலை நகரைக் கிண்டலடித்த டி.எம் சௌந்த ராஜன் பாடலொன்று,கே பாலச் சந்தரின்'அனுபவி ராஜா அனுபவி' திரைப்படத்தில்,இன்னும் சென்னை வாழ் மக்களை மிரட்டிக் கொண்டிருக் கிறது.கண்ணதாசனின் இந்த விமர்சனப் பாடலுக்கு,மெல்லிசை மன்னர்,இசையால் கூடுதல் பலம் சேர்த்தார்.சென்னைக்குள் இருக்கும் இடங்களைக் குறிப்பிடும், 

"நான் ஜாம்பஜார் ஜக்கு நீ சைதாப்பேட்ட கொக்கு" 

எனும் மனோரமா பாடிய 'பொம்ம லாட்டம்'திரைப்படப் பாடலும், 'வண்டிச்சக்கரம்'திரைப்படத்தில் எஸ்.பி.பி பாடிய, 

"வா மச்சான் வா வண்ணாரப்பேட்ட"

பாடலும், 

'பம்மல் சம்பந்தம்'படத்தில் கமல் குழுவினருடன் பாடிய,

"ஆழ்வார் பேட்ட ஆண்டவா

வேட்டிய போட்டு தாண்டவா"

  எனும் பாடலும்,சென்னையை சுற்றி வரும் வித்தியாசமான பாடல்களாகும். இந்த பேட்டைகளைப்பற்றிய ஒர்'பேட்ட ராப்' பாடலும் சங்கரின்'காதலன்' திரைப் படத்தில் இடம்பெற்றது.

    மதுரையின் பெயர்கூறும் பாடல்கள் பலவும் மீனாட்சியின் புகழ் பரப்பின. 

"கூடலூரு குண்டு மல்லி 

வாட பிடிக்க வந்த வள்ளி "

  எனும் கங்கை அமரனின்'கும்பக்கரை தங்கைய்யா'திரைப்படப்பாடல் அவரின் அண்ணன் இசையில் மலேசியா வாசுதேவன்,கே.எஸ்.சித்ரா குரல்களில் மல்லியின் நறுமணத்தால் கும்பக்கரையையே கரைத்து  மணம் கமழச் செய்தது. 

  தமிழ்த்திரை வாகனத்தில் இப்பதிவு சுற்றிவந்த ஊர்கள் அதிகமில்லை. ஆனால்,பரந்து விரிந்த திரையுலகில் நாம் காணும் ஊர்கள்,நிசமான ஊர் களைக் காட்டிலும்,கற்பனையாலும் கருத்துக்களுக்காலும்,பார்க்கும் அல்லது கேட்கும் ஊர்களை,வரலாற் றுப் பக்கங்களில்,இதிகாசங்களாக்கு கின்றன. 

                 ======#======#======

 

Wednesday, September 21, 2022

Three Tamil films' journey on the Southern Railway Track.

   



  Film makers keep on extending their reach to a galaxy of terrains to reflect freshness and novelty in presentation. While there are a host of family dramas, crime and action thrillers,full length comedies,black comedies, mythological and historical navigation in celluloid form,army stories,cartoon pictures and science fiction films,there are a few exceptional films dealing with road transport,(films like Sundara Travels in Tamil)flight experiences (as we saw in the recent Hindi movie'Runway 34'with Ajay Devgn's ardent struggles to land the flight in the midst of roughest weather conditions).In this regard,three Tamil films which dealt with characters working with dedication for the Indian Southern Railways,draw my special attention.

    The three Tamil films are Pachai Vilakku (1964) Anbu Karangal (1965) and Payanam (1976).Of these,the first two were Sivaji Ganesan films and the third film centered round the Chief character played by Major Sundarajan.Pachai Vilakku was produced by Vel pictures and was directed by A.Bhimsingh.Anbu Karangal was released by Sivaji Ganesan's home production unit Shanthi films and came under the screen play of  K.Shankar, another ace film maker of those days.

  While Viswanathan Ramamurthy composed music for the film Pachai Vilakku, R.Sudharsanam was the music director for Anbu Karangal. T.M.Sounda rajan's songs like"Olimayamaana Edhir kaalam"from the former and"Kaagithathil Kappal Seithu"from the latter,reflected the hero's sense of joy and sorrow respectively.Pachai Vilakku had more memorable songs like"Kelvi Pirandhadhu Anru"and "Kuthuvilakkeriya Koodam Engum Poomanakka".Payanam was Vietnaam Veedu Sundaram's memorable film,with songs composed by M.S.Viswa nathan and the title song sung by the melody maker was a special treat of the film.

  What makes the three films remarkable is the common underlying theme of devotion to work by the pivotal characters.In Pachai Vilakku,Sivaji Ganesan appeared as a locomotive driver working in the Southern Railways.The other two films had Sivaji Ganesan and Major Sundarajan working as station masters.All the three films carried an underlying tragic note.Pachai Vilakku and Anbu Karangal depicted the hero being burdened with the responsibility of taking care of his younger sister.Payanam portrayed the chief character being laid up with paternal pangs,shuttling between his routine bound to his Railway Station and his Railway quarters.The railway station named as Elamanur between Tiruchirappalli and Karur in Tamil Nadu, became the major scene of action,involving the cinematic events of the film.

  The similarities among the three films were many.The dedicated driver of Pachai Vilakku saved a train and its passengers from a bridge blast planted by a villanous gang consisting of M.R.Radha and R.S Manohar.The hero did that mighty task at the cost of his life.The station master of Elamanur loved his job and the Railway Station much more than his family.In all the three films Nagesh played a key role.In Pachai Vilakku he was an Anglo Indian fireman assisting his driver Sivaji Ganesan and calling him'chief'with love and regard.

  In Anbu Karangal Nagesh was a pointsman showing great respect to the station master Sivaji Ganesan.In Payanam he played the role of a prohit.Both Anbu Karangal and Payanam described the pangs of womanhood,revealed by Sivaji Ganesan's sister turning pregant before marriage and Sundarajan's daughter and grand son being left in the lurch,by a flirting and wayward youth{Srikanth}.

  The climax of all the three films became the climax of grief.The death of the hero in Pachai Vilakku [with the hero's wife delivering an unfathered son after a long wait adding more anguish}struck a tragic blow not only to his family,but the entire audience.In Anbu Karangal the hero carried the dead body of his sister,whose bereaved daughter came under his care.The chief character in Payanam stood nonplussed at the bad news of the death of his son in the army and being unable to share the news with the girl,who loved his son and was waiting to marry him.

  The dialogues and the way the characters delivered the dialogues in Payanam proved the creative assets of Vietnaam Veedu Sundaram.The other important fact to be recorded here,is the huge amount of comic relief that Payanam had,with a cluster of comedians like Thengai Srinivasan, Surulirajan,Neelu and Loose Mohan, besides Nagesh.Incidentally,there was another film called 'Payanam' made by Radha Mohan,showcasing a flight skyjacking episode,with a different story line.

   Sowcar Janaki and Vijayakumari in Pachai Vilakku,Devika and Manimala in Anbu Karangal and Jeyachitra and Fadafat Jeyalakshmi in Payanam,wonderfully demonstrated their feminine wield of acting.Sivaji Ganesan as the locomotive driver and Major Sundarajan as Elamanur Railway Station Master will live long not only in audience memory but also as extra documentary characters in the records of the Indian Southern Railways.

                                       =============0=============


Friday, September 9, 2022

ராகங்களும் தமிழ்த்திரையும்

 "ராகங்கள் பதினாறு உருவான வரலாறு

 நான் பாடும்போது அறிவாயம்மா"

    எனும் ரஜினிகாந்தின் 'தில்லுமுல்லு' திரைப்படப்பாடலை,எஸ்.பி.பி யின் கனிவான குரலில் கேட்டமாத்திரத்தில், மொத்த ராகங்கள் பதினாறு என்று முடிவெடுக்க முற்படுவோம். ஆனால், அடுத்த இரண்டு வரிகளிலேயே, கவியரசு கண்ணதாசன் நம்மை பிடித்திழுப்பார்.

"பலநூறு ராகங்கள் இருந்தாலென்ன 

பதினாறு நாம் பாட சுகமானது"

  எனும் பொன்னான வரிகளால் ராகங்களின் எண்ணிக்கையை சங்கீத மேதைகளின் பேரறிவுக்கே விட்டு  விடுவார்.அதுமட்டுமன்று.பதினாறு ராகங்களின் பெயர்கள் அவர் அறிந்திருக்கக்கூடும்.அந்த பாடலின் சூழலுக்கு ஏற்றவாறு பதினாறு  ராகங்களின் பெயர்களை புறக்கணித் திருப்பார்.

  'சம்பூரண ராமாயனம்'திரைப்படத்தில் சங்கீத அறிஞன் இராவணனாக நடித்த டி.கே.பகவதியின்"சங்கீத சௌ பாக்யமே"பாடலுக்கு ரம்யமாய்க் குரல் கொடுத்த சி.எஸ்.ஜெயராமன்,ஒருசில ராகங்களின் பெயர்களைக்குறிப்பிட்டு,அவற்றில் அமைந்த பாடல்களை சபையோர் கேட்க,சளைக்காமல் நளினமான பாடல் வரிகளினால்,அந்த ராகங்களுக்கு சங்கீதக் கடலில் நாசுக்காய் நங்கூரமிடுவார்.அ.மருதகாசியின் இசையாற்றலில் ஊறிய அவ்வரிகளுக்கு,கே.வி.மகாதேவன் இதமாய் இசையமைத்திருந்தார்.

  குறிப்பிட்ட  சில ராகங்களின் பெயர்தாங்கி சாகா வரம் பெற்று நினைவில் நின்ற சில அமுத கானங்கள் தமிழ்த்திரையில் உண்டு. காலை நேரத்தின் பெருமைபோற்றும் பூபாள ராகத்தின் பெயர் கூறும்,

"பூபாளம் இசைக்கும் பூமகள் ஊர்வலம்

 இருமனம் சுகம்பெரும் வாழ்நாளே"

   எனும் மெய்மறக்கும் பாடலை கே.ஜே.ஏசுதாஸ், உமாரமணன் ஆகியோ ரின் ஏகாந்தக்குரல்களின் குணமேற்றிய வரிகளினால், பாக்யராஜின்'தூறல் நின்னு போச்சு'திரைப்படம் தனிச்சிறப்பு பெற்றது.கவிஞர் முத்துலிங்கத்தின் முதன்மையான இப்பாடலுக்கு இசைஞானி மென்மையாய் இசை மெருகூட்டினார்.

  இதேபோன்று ஏ.வி.எம் தயாரிப்பில் உருவான 'மாநகரக்காவல்'திரைப் படத்தில் கே.ஜே.ஏசுதாசும்,கே.எஸ். சித்ராவும்,ஆனத்தத்தை அளந்து பாடிய,

"தோடி ராகம் பாடவா 

மெல்லப்பாடு

ஆதி தாளம் போடவா

மெல்லப்போடு"

  எனும் வாலியின் வசப்படுத்தும் வரிகளுக்கு,சந்திரபோஸ் சந்தோஷமாய் சங்கீதம் படைத்திருந்தார்.

  ரஜினியின் 'சிவாஜி'திரைப்படத்தில் சஹானா ராகத்தின் பெயர்தாங்கி, கவிப்பேரரசு வைரமுத்து எழுதி,இசைப்புயல் ஏ.ஆர் ரஹ்மான் ரசனை யுடன் இசையமைத்த,

"சஹானா சாரல் தூவுதோ

சகாரா பூக்கள் பூத்ததோ" 

  எனும் மணம் பரப்பும் வரிகளை உதித் நாராயன் சின்மயி குரல்களில் கேட்டு, இதமாய் செவிகள் குளிர் காய்ந்ததை, என்றும் மறக்க இயலாது.

   'ஒருதலை ராகம்' திரைப்படத்தில், முகாரி ராகத்தின் முனகலுடன்,நம் நெஞ்சங்களில் சோகத்தை தூவிய பாடலே,டி.ராஜேந்தர் கவிபுனைந்து இசையமைத்த,

"கடவுள் வாழும் கோவிலிலே கற்பூர தீபம்

கலையிழந்த மாடத்திலே முகாரி ராகம்".

   எனும் மனதில் மரண ஓலம் தோற்று வித்த வரிகள்.ஜெயச்சந்திரனின் வசீகரக்குரலில் நம்மை வேதனையில் துடிக்கச் செய்தது இப்பாடல்.இதே தாடிக்கார இயக்குனரின் வரிகளிலும் இசையிலும் உதித்த,

"எந்தன் பாடல்களில் நீ நீலாம்பரி

உன்னை பாராமலே மனம் தூங்காதடி"

  எனும் பாடலை 'உறவைக்காத்த கிளி' திரைப்படத்தில் கே.ஜே.ஏசுதாஸ் சசி ரேகா ஆகியோரின் ஆர்ப்பரிக்கும் குரல்களில் கேட்பதில்தான் எத்தனை சுகம்.டி. ராஜேந்தரின் பன்முகப் படைப்பாற்றலை அவரது வசனங்களும் திரை இயக்கமும்,பாடல் வரிகளும்,இசை இயக்கமும், ஏற்றமுடன் பறைசாற்றும்.

  பிலஹரி ராகத்தை பெருமைப் படுத்தும் பாணியில் தனது'உன்னால் முடியும் தம்பி'திரைப்படத்தில்,அந்த ராகத்தின் பெயரை மார்த்தாண்டம் பிள்ளை எனும் கதாபாத்திரத்திற்கு, 'பிலஹரி மார்த்தாண்டம் பிள்ளை'என பெயர் சூட்டிஆலாபனை செய்தார் இயக்குனர் சிகரம் கே.பாலச்சந்தர். இந்த ராகத்தில் உருவான பாடல் களுக்கு பாலச்சந்தரின்'நான் அவனில்லை'திரைப்படத்தில் ஜெயச் சந்திரனும் எல்.ஆர்.ஈஸ்வரியும் பாடிய,"மந்தார மலரே மந்தார மலரே"பாடலும்,'சந்திரோதயம்'திரைப்படத் தில் டி.எம்.சௌந்தராஜனும் சீர்காழி கோவிந்தராஜனும் சேரந்து பாடிய, 

"காசிக்குப் போகும் சன்னியாசி 

உன்குடும்பம் என்னாகும் நீ யோசி"

 பாடலும்,'அகத்தியர்'திரைப்படத்தில் எம்.ஆர் விஜயா பாடிய "தலைவா தவப் புதல்வா வருகவே"பாடலும் உதாரணமாகக் காட்டபடுகின்றன. இந்த மூன்று பாடல்களையும் முறையே கண்ணதாசன்,வாலி மற்றும் கே.டி.சந்தானம் எழுத,முதல் இரண்டு பாடல்கள் மெல்லிசை மன்னரின் இசையிலும்'அகத்தியர்'பாடல் குன்னக்குடி வைத்யநாதனின் சங்கீத ஞானத்திலும் இசைவிருந்தாயின.

  குன்னக்குடி வைத்யநாதனின் இசைத் திறனில் கோலோச்சிய 'அகத்தியர்' திரைப்படத்தில் அகத்தியருக்கும் ராவணனுக்குமிடையே அரங்கேறிய 

"வென்றிடுவேன் நாதத்தால் வென்றிடுவேன்"

   எனும் போட்டிப்பாடலில்,பைரவி, ஆரபி,தோடி,ஹமசத்வனி,மோகனம்  ஷண்முகப்ரியா,காம்போதி,பாகஸ்ரீ,கௌரிமனோகரி,போன்ற ராகங்க ளின் பெயர்களால்,டி.எம்.எஸ்ஸும் சீர்காழியாரும் சங்கீததின் நறு மணத்தை சுவாசிக்கச் செய்தனர்.

  கே.பாலச்சந்தர்,'அபூர்வ ராகங்கள்' 'சிந்து பைரவி' போன்ற தலைப்புக ளால்,ராகங்களுக்கு மகுடம் சூட்டினார். 'அபூர்வ ராகங்கள்' திரைப்படத்தில், கே.ஜே.ஏசுதாஸ் பாடிய,

"அதிசய ராகம் ஆனந்த ராகம்

அழகிய ராகம் அபூர்வ ராகம்" 

என்று தொடங்கி,

"முழுவதும் பார்த்தால் அவள் ஒரு பைரவி" 

  என முடிந்த பாடல்,பைரவி எனும் கதாநாயகியின் பெயருக்கும்,பைரவி ராகத்திற்கும்,பரிவட்டம் கட்டியது. திரைப்படத் தலைப்புகளினாலேயே ராகங்களுக்கு ரசனை கூட்டிய பாலச்சந்தர்"ராகம் தெரியவில்லை" என்றும்"பாடறியேன் படிப்பறியேன்,பள்ளிக்கூடம் நானறியேன்"என்றும் கூறி பாடத் தொடங்கும்,மனச்சுமை நிறைந்த பெண் ஒருத்தியை,"மரிமரி நின்னே முரளீத"என்று அவர் பாடலை முடிக்கச்செய்து,சங்கீத ஆணவத்தில் திளைத்த,ஜே.கே.பி. எனும் பாடகரை, தலைகுனியச் செய்தார். 

   பாலச்சந்தரின் இசைதாகத்திற்கான இன்னொரு எடுத்துக்காட்டே 'வறுமையின் நிறம் சிவப்பு'திரைப்படத் தில் எஸ்.பி.பி &ஜானகி குரல்ளில் நம் நெஞ்சங்களை கொள்ளையடித்த,"சிப்பி இருக்குது முத்துமிருக்குது திறந்து பார்க்க நேரமில்லடி ராஜாத்தி"எனும் சந்தத்தால் சங்கீதத்திற்கு சரணம் செய்த பாடல்.

   பாரதிவாசுவின் (சந்தானபாரதி& P.வாசு) இயக்கத்தில் உருவான, 'பன்னீர் புஷ்பங்கள்' திரைப்படத்தில் உமாரமணன் பரவசமாய்ப் பாடிய, "ஆனந்த ராகம் கேட்கும் காலம்"எனும் அற்புதமான பாடலை கங்கை அமரன் இயற்ற,அப்பாடல் வரிகளுக்கு அவரது தமையனார் அருவியின் பாய்ச்சலாய் இசையமைத்திருந்தார்.

   பின்னர்' ஆனந்த ராகம்'ஒரு திரைப் படத்தலைப் பாயிற்று.'ஒருதலை ராகம்'திரைப்பட தலைப்பினைப் போல்'வசந்த ராகம்' 'நெஞ்சில் ஒரு ராகம்'எனும் தலைப்புகளுடன் வேறிரண்டு திரைப்படங்களும் வெளியா யின.இது போலவே கமலின் 'உல்லாசப் பறவைகள்' திரைப்படத்தில்

 "தெய்வீக ராகம் தெவிட்டாத பாடல்

 கேட்டாலும் போதும் 

இளநெஞ்சங்கள் வாழும்"

  எனும் பஞ்சு அருணாச்சலத்தின் பாடலொன்று,ஜென்சியின் இனியக் குரலில்,இசைஞானியின் இசையில், நம் உணர்வுகளை ராகத்தால் கட்டிப் போட்டது.

  இசையை ரசிக்கும் எனக்கு,ராகங் களின் பெயர்கள் சில தெரியுமே ஒழிய, அவற்றின் இசை நுணுக்கங்களும் இசையின் உள்ளார்ந்த உன்னதமும் சத்தியமாய்த் தெரியாது.இப்பதிவின் நோக்கமே என் நினைவில் தங்கிய சில ராகங்களின் பெயர் தாங்கிய பாடல்களையும் 'ராகம்'எனும் சொல்லை தலைப்பில் தாங்கிய திரைப்படங்களையும் பதிவு செய்வது மட்டுமே.

  இருப்பினும்,மிகச்சிறந்த ராகங்களில் காம்போதி(ஜி) பிரதானமானது என்று பலர் சொல்லக் கேள்விப்பட்டிருக்கிறேன்.டி.எம்.சௌந்தராஜனின் கம்பீரக்குரலில் ஒலித்த "தமிழ்மாலை தனைச்சூடுவாள்"('அம்பிகாபதி" திரைப்படம்) பாடலும்,பின்னர் அவர்பாடிய"கல்வியா செல்வமா வீரமா"('சரஸ்வதி சபதம்'திரைப்படம்) பாடலும்,காம்போதி ராகத்தில் அமைந் திருந்ததாக இசையறிஞர்கள் கூறுவர். இவற்றில்,முதல் பாடலை  கே.டி.சந்தானம் எழுதி,ஜி.ராமநாதன் இசையமைத்திருந்தார். இரண்டாவது பாடல்,கண்ணதாசனின் கற்பனையில் உருவாகி,திரையிசைத்திலகம் கே.வி.மகாதேவனின் இசையால் உயிர் பெற்றது.

  'ஆண்டவன் கட்டளை'திரைப்படத்தில் TMS மற்றும் P.சுசீலா குரலில் மெல்லிய நீரோடையாய் செவி குளிரச்செய்த,

 "அமைதியான நதியினிலே ஓடம்

அளவில்லாத வெள்ளம் வந்தால் ஆடும்"

  எனும் கண்ணதாசனின் பாடல், எம்.எஸ்.விஸ்வநாதனின் மேலான இசையில்,ஹரிகாம்போதி ராகத்தில் அமைந்திருந்தது என்பதும்,இசை வல்லுனர்களின் கருத்தாகும்.இதே ராகத்தில் அமைந்த, 

ஒரே பாடல் உன்னை அழைக்கும் 

எந்தன் உள்ளம் உன்னை நினைக்கும்

  எனும் பாடலையும்,கண்ணதாசனே எழுதியிருந்தார்.'எங்கிருந்தோ வந்தாள்' திரைப்படத்தில் டி.எம்.எஸ் பாடிய இப்பாடலுக்கும்,மெல்லிசை மன்னரே தேனிசை கலந்தார்.

  ஹரிகாம்போதி ராகத்தில் அமைந்த "பழமுதிர்ச் சோலை எனக்காகத் தான்"எனும் மற்றொரு ஏகாந்தமான பாடலை,ஏசுதாஸ் குரலில்'வருஷம் பதினாறு'திரைப்படத்தில் பலமுறை உளமாற கேட்டு ரசித்தோம்.வாலியின் இந்த வசியமூட்டும் பாடலுக்கு இளைய ராஜா மகத்துவமாய் ராகமும் தாளமும் சேர்த்திருந்தார்.

  'சதாரம்'திரைப்படத்தில் டி.எம் சௌந்தராஜன் பாடிய, 

"நினைந்து நினைந்து நெஞ்சம் உருகுதே

நீங்கிடாத துன்பம் பெருகுதே"

   எனும் பாடல்,ஷண்முகப்ப்ரியா ராகத்தில் இசைக்கப்பட்டதாகவும், டி.எம்.எஸ் பாடிய மற்றொரு பிரசித்தி பெற்ற பாடலான,

"ஏரிக்கரையின் மேலே 

போறவளே பெண்மயிலே"('முதலாளி' திரைப்படம்)

   எனும் பாடல் ஆரபி ராகத்தில் அமைந்திருந்ததாகவும்,'இருமலர்கள்' படத்தில் நாட்டியப்பேரொளி பத்மினி ஆட,டி.எம்.எஸ் உற்சாகமாய்ப்பாடிய "மாதவி பொன்மயிலால் தோகை விரித்தாள்"பாடல் கரஹரப்ப்ரியா ராகத்தில் இயற்றப்பட்டதாகவும்  வலைத்தள தகவல்கள் தெரிவிக்கின் றன.இந்த பாடல்கள் மூன்றையும் தமிழ்த்திரையின் வரலாற்றுப் பாடகர்,தனக்கே உரித்தான குரல் சிறப்பினால் காலத்தில் அழியாமல் நிலை பெறச்செய்தார் என்பது, குறிப்பிட்டு கல் வெட்டில் பதிக்கப்பட வேண்டியதாகும். 

   இந்த மூன்று பாடல்களில்,'சதாரம்' திரைப்படப் பாடலை அ.மருதகாசி இயற்றி இசைவேந்தர் ஜி.ராமநாதன் இசையமைக்க,கவிஞர் கா.மூ.ஷெரீ பின்'ஏரிக்கரையின் மேலே'பாடலை திரை யிசைத்திலகம் தன் ஆழமான இசை ஆற்றலால் பட்டிதொட்டி எல்லம் வலம்வரச் செய்தார்.வாலியின் வாழ்நாள் பெருமையென கருதப்பட்ட 'இருமலர்கள்' படப் பாடலுக்கு மெல்லிசை மன்னர் அரங்கமே அதிரும்படி இசையமைத்திருந்தார்.

  'கல்யாணி'ராகம் இன்னொரு பிரபல ராகமாக,தமிழ்திரையை வலம் வந்துள்ளதாகக் கூறப்படுகிறது.இந்த ராகத்தில் எண்ணற்ற திரைப்பாடல் கள் இருந்தாலும் 'அம்பிகாபதி' திரைப்படத்தில் டி.எம்.எஸ் பாடிய,

"சிந்தனை செய் மனமே செய்தால்

தீவினை அகன்றிடுமே

சிவகாமி மகனை ஹண்முகனை

சிந்தனை செய் மனமே" 

எனும் அமரகீதமும்,

'நானே ராஜா' திரைப்படத்தில் டி.எம்.எஸ் குரலில் நினைவில் நின்ற ''ஆதி அந்தம் இல்லா ஜோதியே" பாடலும் 'தங்கப்பதுமை' திரைப் படத்தில் சாகா வரம் பெற்ற"முகத்தில் முகம் பார்க்கலாம்"எனும் டி.எம் எஸ்& பி.லீலா இணந்து பாடிய பாடலும், முக்தா பிக்சர்ஸ் தயாரிபான 'தவப்புதல்வன்' திரைப்படத்தில் டி.எம்.எஸ் குரலில் ஆன்ம சுகம் தந்த, 

"இசைகேட்டால் புவி அசைந்தாடும் 

அது இறைவன் அருளாகும்"

    எனும் தெய்வீக கானமும், கலைஞரின் எழுத்தாற்றலில் உருவான,'பூம்புகார்' திரைப்படத்தில் ஒலித்த,"காவிரி பெண்ணே வாழ்க"(டி.எம்.எஸ் & பி.சுசிலா) பாடலும்,'பூவா தலையா' திரைப்படத்தில் கேட்ட "மதுரையில் பிறந்த பூங்கொடியை"(டி.எம்.எஸ்&பி. சுசிலா)எனும் அமுத கீதமும், பின்னர்,'உயர்ந்த உள்ளம்' திரைப்படத்தில் எஸ்.பி.பி யின் இணையிலாக் குரலில், இன்பத்தை உள்வாங்கி இதயத்தை நிறைத்த "வந்தாள் மகா லக்ஷ்மியே"பாடலும் கல்யாணி ராகத்தில் அமைந்ததாகத் தெரிகிறது.

    மேற்கண்ட பால்களில்,முதலாவதை கே.டி.சந்தானம் எழுதி,ஜி.ராமநாதன் இசைச் சேர்க்க,இரண்டாவதை, கே.பி.காமாட்சிசுந்தரம் எழுத, டி.ஆர்.ராம்நாத் இசையமைத்திருந்தார். 'தங்கப்பதுமை'பாடலுக்கு பட்டுக் கோட்டை கல்யாணசுந்தரமும்,விஸ்வ நாதன் ராமமூர்த்தியும் சொந்தக்காரர் கள்.'தவப்புதல்வன்' பாடலை கண்ண தாசன் கருத்துடன் புனைய, அதற்கு விஸ்வநாதன் தனியே இசையமைத் திருந்தார்.

   கவிஞர் மாயவநாதனின்"காவிரி பெண்ணே வாழ்க"பாடல் ஆர்.சுதர்சனத்தின் இசை மேலாண்மை யில் உருவானது.கடைசி இரண்டு பாடல்களுக்கும் வாலி வரிவடிவம் கொடுக்க,ஒன்றுக்கு மெல்லிசை மன்னரும்,மற்றொன்றிர்க்கு இசை ஞானியும் கல்யாணி ராகத்தில்களை கட்டச் செய்தனர்.'பூவா தலையா' திரைப்படத்தில்,

"பூவா தலையா போட்டா தெரியும் 

நீயா நானா பார்த்துவிடு"

  எனும் டி.எம்.எஸ்& சீர்காழியாரின் ஆரவாரக்குரல்களில் அமைந்த தலைபுப்பாடல்,மோகன ராகத்தில் அமைந்து வாலி விஸ்வநாதன் இருவரின் புகழ் பரப்பியதும் வலைத் தளத் தகவலாகும்.

  இதே சீர்காழி கோவிந்தராஜன்'தை பிறந்தால் வழி பிறக்கும்'எனும் பழம்பெரும் திரைப் படத்தில் பாடிய

 "அமுதம் தேனும் எதற்கு, நீ,

அருகினில் இருக்கையிலே எனக்கு"

 எனும் ஒய்யாரப்பாடல் மோகன கல்யாணி ராகத்தில் அமைந்திருந்த தாகக் கூறப்படுகிறது.கவிஞர் சுரதாவின் இந்த வரலாற்றுச்சிறப்பு மிக்க பாடல்,கே.வி.மகாதேவன் இசையில் நீங்கா நினைவாயிற்று.

   எத்தனை ராகங்கள்!எத்தனை பாடல்கள்! எல்லாம் கற்பனைக் கருவூலத்தில் வெளியேறி,ராகக் கடலில் முத்துக்குளித்து,மாசற்ற மனிதக்குரல்களில்,மகுடம் சூட்டின. ராகங்கள் அறியாமலேயே,ராகக் கடலில் இலேசாய்க் குளித்தெழுந் ததில்தான் எத்தனை சந்தோஷம். புனித நீராடிய புளகாங்கிதம்!.இதில் பிழையேதும் இருப்பின் சங்கீத மேதைகள் பொருத்தருள்க.குறைந்த எடுத்துக்காட்டுகளே இடம் பெறும் இப்பதிவில்,முடிவாக,'சம்பூரண ராமாயன'த்தின் சங்கீதப்பாடலை 'காம்போ தி'எனும் ராகத்தைச் சொல்லி சி.எஸ்.ஜெயராமன் முடிப்பது போன்று, 'திருவிளையாடல்' திரைப்படத்தில், ஹேமநாதபாகவதருக் காக குரல் கொடுத்து,

"ஒர நாள் போதுமா? 

இன்றொரு நாள் போதுமா

நான்பாட இன்றொரு நாள் போதுமா

நாதமா கீதமா அதை நான்பாட

இன்றொரு நாள் போதுமா

புது ராகமா சங்கீதமா,அதைநான்பாட

இன்றொரு நாள் போதுமா"

என்று தொடங்கும் டாக்டர் பாலமுரளி கிருஷ்ணா,இறுதியாக,

"இசை கேட்க எழுந்'தோடி' வருவாரன்றோ" 

என்றும், 

எனக்கிணையாக 'தர்பாரி'ல் எவருமுண்டோ?

என்றும்,

"கலையாத 'மோகன'ச் சுவை நானன்றோ"

என்றும்

"கானடா என்பாட்டு தேனடா:

இசைச் செல்வம் நானடா"

  என்றும்,தோடி தொடங்கி, தர்பார், மோகனம்,ஆகிய ராகங்களையும் குறிப்பிட்டு,கானடா ராகத்தை முழங்கி,கர்வத்துடன் தன் பாட்டை முடிப்பார். இங்கே கர்வம் என நான் குறிப்பிட்டது ஹேமநாதரின் கர்வமே யன்றி இசை மேதையை விமர்சித்து அல்ல.ஹேமநாதரின் இசை அகந்தையை அழிக்க, சிவபெருமான் விறகு வெட்டியாகத் தோன்றி"பாட்டும் நானேபாவமும் நானே" எனப்பாடி, அவரை பாண்டிய மண்ணை விட்டே, விரட்டி அடித்தார் என்பதையும், 'திருவிளையாடல்' திரைப்படம் நகைச்சுவை ததும்ப விளக்கியது.

  'திருவிளையாடல்'திரைப்படத்தில் எல்லா பாடல்களுமே இசை அறிஞர் களை அரங்கங்களில் கூடி மேலான கருத்துக்களை அசை போட்டு விவாதிக்கச் செய்திருக்கும்.இந்த ஆரோகண,அவரோகணத் ஆட்டக்களத் தில், ராக,தாள,குரல்கள் அடுக்கி, இசை கோபுரம் அமைப்பதில்,முழு மூச்சுடன் இறங்கிய கவிஞர் கண்ண தாசன்,பாடகர்கள்,கே.பி.சுந்தராம்பாள், டி.எம் சௌந்த ராஜன், டி.ஆர்.மகா லிங்கம்,டாக்டர் பாலமுரளி கிருஷ்ணா, மற்றும் இசைத்திலகம் கே.வி.மகா தேவன் கூட்டணி,தமிழ்திரை வரலாற் றில் புதிய அத்தியாயம் படைத்தது.

   குரல் உச்சத்தில்,முதல் மூவரும் கோபுரக் கலசங்களாயினர்.இசை ஞானத்தில் பாலமுரளி பாடம் புகட்டினார்"பழம் நீயப்பா"பாடல் விண்ணைத் தொட்டது."பாட்டும் நானே பாவமும் நானே"அனைத்து இயக்கங் களையும் நிறுத்தி இயங்கச்செய்தது. ."இல்லாத தும் இல்லை" பாடலும் "இசைத் தமிழ் நீ செய்த அரும் சாதனை"பாடலும் மகாலிங்கத்தை சிவலிங்கத்துடன் இரண்டற இணையச் செய்தன."ஒருநாள் போதுமா" பாடலைக் கேட்க, பொழுது கள் போதாது.இசையை மூச்சாக நினைப்பவர்களுக்கு இப்பாடல்கள் அனைத்துமே மூச்சுக் காற்றானது.

   ராகக்கோட்டையை,அனுமதியின்றி கொஞ்சம் எட்டிப் பாரத்த என்னை, சங்கீத சாம்ராஜ்ஜியம் சபிக்காதிருக் கட்டும்.அறியாத் துறையினைச் சுற்றி வந்த இப்பதிவில்,அரங்கேறிய கருத்துக்களுக்காக,விக்கிபீடியா உட் பட அனைத்து வலைத்தள பிரிவு களுக்கும் என்றென்றும் நன்றியுடைய வனாவேன்.திறன் ஆளும் கலை வாணி பாதம் பணிந்து,இப்பதிவினை முடிக்கிறேன்.

ப.சந்திரசேகரன்.

                                    ============0============


  





Thursday, September 1, 2022

The two, more deserving comedians of Tamil Cinema.



  


   Tamil Cinema's front line comedians after Kalaivanar N.S.Krishnan are K.A.Thanga velu,J.P.Chandrababu,Nagesh,Vivek,the duo Goundamani&Senthil,Vaigai storm Vadivelu.and Santhaanam.Now, Vadivelu's place is looked upon by Soori and Vivek's place by Sathish.But there have been other comedians of merit like T.S.Dorairaj, A.Karunanidhi and the prolific actor Charlie.As an independent post has already discussed the merits of T.S.Dorai Raj,this article would showcase the exhaustive and tremendous contribution made by A.Karunanidhi and Charlie to the comedy gallery of Tamil Cinema.

  A.Karunanidhi was one of the highly talented actors of the Tamil film industry,actively performing comedy and character roles for nearly three decades, between 1948 and 1978.His name cannot be said to have succeeded that of Kalignar M.Karunanidhi, because he was born two years before that illustrious leader.However,the interesting fact is that he too was born in Tiruvarur,in which district,the immortal leader was born.

   Karunanidhi owes a lot to the Modern Studios,which introduced him in the film Adhithan Kanavu and continued to enroll him in almost sixteen films.Besides his first film.his popular Modern theatre entries were Ponmudi,Digambara Saamiyaar,Devaki, Aaravalli, Mandhirikumari,Sarvaadhikari,Paasavalai,Engal Kuladhevi,Maheswari, Petra Maganai Vitra Annai,Chitrangi and Konjum Kumari.

  Apart from Mandhirikumari and Sarvaadhikari,his other MGR films were Gulebha gavali,Mahadevi and Thirudaadhe.Whereas,he worked with Sivaji Sivaji Ganeesan in a large number of films like,Naan Petra Selvam,Ambikapathi,Dheiva Piravi,Paalum Pazhamum Padithaal Mattum Pothumaa,Paar Magale PaarVeerapandiya Kattabomman,Kalyaniyin Kanavan,Muradan Muthu,Kappalottiya Thamizhan, Thillaanaa Mohanaambaal,Thirumaal Perumai,Babu,Paadhukaapu and Thiyagi.His popular Gemini Ganesan films were Gunasundari,Missiamma and Ellorum Innaattu Mannar.He had also acted in the films of S.S.Rajendran.

  Karunanidhi was specially known for his ebullient physical comedy,most often playing with his face,the way he liked.One of his best facial comedy shows was seen in AVM's popular mythological film Baktha Prakalaadhaa,in which along with T.S.Balaiah, he created a fascinating facial drama on a stage and later with the disciples of a Gurukula school.His comedy flair with M.R.Radha, in films like Paalum Pazhamum,Paar Magale Paar and Padithaal Mattum Pothuma were very special in this regard. 

  Most often T.P.Muthulakshmi was cast as his female pair.He excelled in the role of a Malayalee cook in films like Dheiva Piravi and Adhe Kangal.While the first one reflected his sobre side of being supected by Sivaji Ganesan,in connection with the fidelity of his wife Padmini,the second one was purely a comic flow of facial rolling and jamming,with a deliberate effort to supplement the horror element of the film.In Veerapandiya Kattabomman he displayed an exemplary courage,to offer his service on an espionage mission,on behalf of his beloved King Kattabomman. 

   Born as Velmurugan Kandasaami Manoharan,Charlie had his film name given by none other than the veteran film maker K.Balachander who installed him as a solid actor in Tamil Cinema,in his film Poikaal Kudhirai {1982},after a couple of uncredited entries. Charlie came into Tamil cinema a year after the death of A.Karunanidhi.Unlike Karunanidhi,Charlie has been an actor in many films outnumbering several other comedians and character actors.The fact that the two actors of this blog have been brought in one post is that, both are experts in role performance,through facial permutations and combinations.Not only that.They have a little bit of resemblance in their rough and rugged facial formulation.

  If Karunanidhi was favoured by Modern Theatres,Charlie has been a consistent addition into the films of Balachander like Achamillai Achamillai,Manadhil Urudhi Vendum,Kalyaana Agadhikal,Unnaal Mudiyum Thambi,Azhagan,Punnakai Mannan, and Duet,besides those made by the family production house of K.B.Films like Enakkul Oruvan,Poovilangu, Unnai Solli Kutamillai and Ayyaa.Charlie has remained a member of the hero's group of friends in films like Varusham Padhinaaru,Gopura Vaasalile, Pudhu Vasantham,Unnai Ninaithu and Kaalamellaam Kaadhal Vaazhka.His Mammootty specials are Mounam Sammadham and Kilipechu Ketkavaa in addition to Azhagan.

  Friends and Thenkaasi Pattinam,are the most fabulous films of Charlie,displaying his robust sense of comedy in association with Vadivelu and Vivek,respectively.His fair comedy flair was admired in many films like Poove Unakkaaga,Unnai Ninaithu and Pongalo Pongal. One of the striking features of Charlie's humour show is his reflection of a butt of ridicule made by his fellow comedians.How he expresses a naughty smile while handling his comedy bosses,is always a special feature,as far as his facial geography is concerned.  His dialogue delivery carries delicate touches of mischief that will go unnoticed if the scene is not properly watched.The film'Friends'loudly exhibits his cheeky innocence.

  Malayalam film makers like Fazil and Siddique duly recognized his acting potential.His most remembered character role is that of a blind man accompanying Shalini in Amarkalam and sharing the agonizing moments of love of the heroine,in the midst of his biting blindness.Charlie has the singular potential of letting his mood travel between the softness of a banana and the roaring toughness of breaking a coconut into pieces.

   While paying tribute to a comedian no more and another ever active,this post also grievously records the fact,that these two actors deserved and continue to deserve a considerate recognition of what each one's merits are .Why not Tamil Cinema award them a better place with splendid memories of the former and stronger roles for the latter.

                                 ==============0================

Friday, August 12, 2022

காற்றினில் வலம்வரும் தமிழ்த்திரையிசை

  உலகம் முழுமையும் காற்றில் உலவுகிறது.மூச்சுக்காற்று இல்லை எனில் பூமியில் வாழ்க்கையில்லை.இதனைத்தான் வள்ளுவர், 

அல்லல் அருள்ஆள்வார்க்கு இல்லை வளிவழங்கும்

மல்லல்மா ஞாலங் கரி

  எனும் குறளில் ,அருள் உலவும் உலகில் துன்பம் வராது என்பதை, காற்றுலவும் பேருலகின் நன்மையுடன் ஒப்பிடுகிறார்.

'மீரா'{1945} திரைப்படத்தில் இசைப்பேரரசி எம்.எஸ்.சுப்புலட்சுமி 

"காற்றினிலே வரும் கீதம் 

கண்கள் பனித்திட பொங்கும் கீதம்" 

  எனும் பாபநாசம் சிவனின் வரிகளை மெய்மறந்து பாட, அதில் தமிழறிந் தோர் எவரேனும் மயங்காதோர் உண்டோ! எஸ்.வி வெங்கடராமனின் இதயம் துளைக்கும் இசையமைப்பில் காற்றின் வேகமென நெஞ்சுக்கு பரவசமூட்டிய பாடலிது.இப்பாடலின் முதல் வரியே பின்னர் 1978 -இல்  எஸ்.பி.முத்துராமன் இயக்கத்தில், பஞ்சு அருணாச்சலத்தின் கதையில் களித்து,R.முத்துராமன், கவிதா ஆகியோர் இணைந்து நடித்த, திரைப்படத்தின் தலைப்பயிற்று.

  காற்றைப்பற்றி P.B ஸ்ரீனிவாசும் P. சுசீலாவும் சேர்ந்து ரம்யமாய்ப் பாடிய இரண்டு பாடல்கள்,என் நினைவைத் தாலாட்டுகிறது.அதில் ஒன்று, 'காத்திருந்த கண்கள்'திரைப்படத்தில் கவியரசு கண்ணதாசன் வரிகளாய், விஸ்வநாதன் ராமமூர்த்தியின் தேனிசையில், 

"காற்று வந்தால் தலைசாயும் நாணல் 

காதல் வந்தால் தலைசாயும் நாணம்" 

     என்று கற்பனைக்களஞ்சியத் திலிருந்து களமிறங்கி,கேட்போர் செவிகளுக்கு பேரானந்தத்தை தோற்றுவித்தது.மற்றொரு பாடல்,  மகாகவிபாரதியாரின் வரிகளான, 

"காற்று வெளியிடை கண்ணம்மா 

நின்றன் காதலை எண்ணி களிக்கின்றேன்" 

  எனும் இதமான பாடலாய், 'கப்பலோட்டிய தமிழன்'திரைப் படத்தில், இதயத்தை குளிர்வித்தது. இந்த ஏகாந்த பாடலுக்கு ஜி,ராமநாதன் இசை வடிவம் தந்தார். பின்னர் 'காற்று வெளியிடை'எனும் தலைப்பினைக் கொண்டு மணிரத்னம் இயக்கத்தில் ஒரு திரைப்படமும் வெளியாயிற்று.

   காற்றில் உலாவரும் கற்பனைகள்  கவிஞர்களை வெகுவாகவே ஆட் கொள்வதுண்டு.அப்படி உருவான ஒரு பாடல்தான்,வாலியின் வளமான கற்பனையில்,'கலங்கரை விளக்கம்' திரைப்படத்தில்,தனி முத்திரை பதித்த 

"காற்று வாங்க போனேன் 

ஒரு கவிதை வாங்கி வந்தேன் 

அதை கேட்டு வாங்கி போனாள்

அந்த கன்னி என்ன ஆனாள்"

   எனும் குறும்புத்தனமான பாடல்.எம். ஜி.ஆர் ரசிகர்களிடம் பெரும் வரவேற்பைப்பெற்ற இப்பாடலுக்கு, மெல்லிசை மன்னர் எம்.எஸ். விஸ்வநாதன் காற்று வேகத்தில் இசையமைத்திருந்தார்.

  வாலிக்கு ஒருபடி மேலே போய், அவருக்கு முன்னதாகவே காற்றையே பாடவைத்த பெருமை கண்ணதாச னுக்கு உண்டு 'வெண்ணிற ஆடை' திரைப்படத்தில் விஸ்வநாதன் ராமமூர்த்தியில் இசையில்,P.சுசீலா பாடிய, 

"அம்மம்மா காற்றுவந்து ஆடை தொட்டு பாடும்" 

எனும் வரியில் தொடங்கும் அப்பாடல், பி சுசீலாவின் குரல் வேகத்தில் அனைவரையும் புத்துணர்ச்சியில் திளைக்கவைத்தது. 

  இதே கண்ணதாசன் பின்னர் பாலு மகேந்திராவின்'மூன்றாம் பிறை' திரைப்படத்திற்காக புனைந்த பாடலே, 

"பூங்காற்று புதிதானது

புதுவாழ்வு சதிராடுது" 

    எனும் வரிகளில் கே.ஜே.ஏசுதாஸின் அதிர்வுக்குரல்களால் மென்மை யான உணர்வுகளை காற்றுடன் சங்கமிக்கச் செய்தது.இசை ஞானியின் இசையில் இப்பாடல், இனிமையை இரட்டிப்பாக்கி யது.

 கே.ஜே.ஏசுதாசின் காந்தக்குரலில் நம்மை இளைப்பாற்றிய இன்னொரு பாடல் காற்றுக்குப் பெயரிட்டு நிற்கச் சொல்லி,காதலிக்குத் தூதுவிட்ட விளிப்பாடலானது.

வைகைக்கரை காற்றே நில்லு.

வஞ்சிதனைக் கண்டால் சொல்லு.

மன்னன் மனம் வாடுதென்று

மங்கைதனைத் தேடுதென்று

காற்றே பூங்காற்றே

கண்மணி அவளைக் கண்டால் நீயும்

காதோரம் போய்ச்சொல்லு

  எனும் இவ்வுருவகப் பாடலுக்கு  வரிவடிவமும் இசைவடவமும் தந்தார் பன்முனை படைப்பாளி டி.ராஜேந்தர். அவர் இயக்கிய'உயிருள்ளவரை உஷா' திரைப்படத்தில் இடம்பெற்ற இப்பாடல் காற்றோடு கலந்துவந்து நம் இதயங்களை ஆரத்தழுவியது.

  கே.பாலச்சந்தரின் 'அவர்கள்' திரைப் படத்தில் எம்.எஸ் விஸ்வநாதன் இசையில் காற்றைப்பற்றி எஸ்.ஜானகி பாடிய ஒரு அமர்க்களமான பாடலே, 

"காற்றுகென்ன வேலி 

கடலுக்கென்ன மூடி 

கங்கை வெள்ளம்

சங்குக்குள்ளே 

அடங்கி விடாது 

மங்கை நெஞ்சம்

பொங்கும் போது 

விலங்குகள் ஏது"

  இந்த அற்புதக்கற்பனையும்,கவியரசு கண்ணதாசனின் கவிதை காணிக்கையே.இப்பாடலின் முதல் வரியும் பிறகு 2001-இல்,ஒரு திரைப்பட தலைப்பாகவும் ஆயிற்று. 

 'வெண்ணிற ஆடை'திரைப் படத்தில்,சுசீலாவின் பாடலில்,ஆடை தொட்டுப் பாடிய காற்று,'ஜானி' திரைப்படத்தில் ஜானகியின் குரல்வீச்சில்,வேகம் நிறைந்த மற்றொரு பாடலின் மூலம்,  கண்ணுக்குப் புலப்படாத  ஏதோ ஒன்றினை,மனம் மூச்சு முட்டத் தேடுகின்றது என்பதை,ஆழமாய் உணர்த்தியது, 

"காற்றில் எந்தன் கீதம் 

காணாத ஒன்றைத் தேடுதே". 

   எனும் அந்த பாடல் வரிகள்,  ஸ்ரீதேவி யின் மனம் நிறைய ஏக்கம் தாங்கி, காதல் வேதனையின் விளிம்பைத் தொட்டு  கங்கை அமரனினின் கவிதையையும் அவரது தமையன் இளையராஜாவின் இசையையும் ஒருசேரப்பிழிந்து கான வெள்ளமாய் நம் நெஞ்சங்களில் வழிந்தோடியது. இதுவே'காற்றின் மொழி'யாகி,பின்னர் இயக்குனர் ராதா மோகனின் ஒரு திரைப்படத்தலைப்பாயிற்று. 

  உருவமில்லா காற்றுக்கு பல உருவங்கள் உண்டு.தென்றலும் புயலுமாய் நிறைந்த வாழ்வில், 'தென்றல் வந்து என்னைத்தொடு' என்று காற்றை விளிப்பதும்,மனச் சுமை வெடிக்கையில்,'பூவுக்குள் பூகம்ப'மாக மூச்சுக் காற்று வெடிப்ப தையும்,சில நேரம்'தென்றல் சுடும்' என்று நினைப்பதும் பனிக் காலத்தில் இரவுநேர குளிர்க்காற்றை தவிர்ப்பதும் வாழ்வின் வாடிக்கைகளை. எல்லோரும் உறங்கியபிறகு குளிர்க் காற்று வீச அச்சூழலிலும் காதல் வயப்பட்டோர் கண்ணுறங்காமல் இருப்பதுண்டு. அப்படிப்பட்ட ஒரு மன நிலையைத்தான் மெல்லத் திறந்தது திரைப்படத் தில் எஸ். ஜானகி பாடிய 

ஊரு சனம் தூங்கிடுச்சு 

ஊதக்காற்றும் அடிச்சிடுச்சு 

பாவிமனம் தூங்கலையே 

அதுவும் ஏனோ புரியலையே 

   என்று கண்ணுறங்கா காதல் தவிப்பை வெளிப்படுத்திய பாடல். இப்பாடலையும் கங்கை அமரன் எழுத அதற்கு இசைஞானியே தேனிசை ஊட்டினார். 

  கண் காணாக் காற்றினில்,நாம் கட்டுண்ட எத்தனையோ பாடல்கள் தமிழ்த்திரையில் உண்டு.அவற்றில் ஒருசில தேன் துளிகளே,இப்பதிவில் காற்றுடன் கலந்தன.வாடைக்காற்றும் 'எதிர்காற்று'ம் நிறைந்த வாழ்வில், காற்றில் மிதந்துவரும் கானங்கள், மனதிற்குள் மத்தாப்பாக மின்னியும், பட்டாம்பூச்சிகளாய்ப் பறந்தும், வாழ்வினை வாழுதற்குரியதாக்கு கின்றன. 

                       ===============0=================