விளக்குகளின் விளக்கங்கள்.

எல்லா விளக்கும் விளக்கல்ல சான்றோர்க்கு 

பொய்யா விளக்கே விளக்கு 

  என்று 'வாய்மை' எனும் அதிகாரத்தில் பொய்மையற்ற விளக்கு அகத்தின் ஒளிக்கூட்டி வாழ்வில் வெளிச்சம் படைக்கும் என்கிறார் வள்ளுவர். மின் விளக்குகள் இல்லாக் காலத்தில் தீயைக்கொண்டு தீபம் பல ஏற்றினான் மனிதன்.சூரிய ஒளியும் நிலவொளியும், பகலுக்கும் இரவுக்கும் இயற்கை மனிதனுக்களித்த வரப்பிரசாதங்கள்.

   இந்து கோவில்களின் எண்ணை மற்றும் நெய் தீபங்களும்,கிறித்துவ தேவாலயங் களின் மெழுகுவர்த்தி ஒளியும்,ஆன்மீக ஒளியை முதன்மைப் படுத்துகின்றன. இஸ்லாமியர்கள் கூன்பிறையைத் தொழுதே ஒளி வீச்சினை உணருகின் றனர்.இருப்பினும்'விளக்கு'எனும் சொல் தமிழ் மொழியில் ஒளிக்கான ஊட்டமாகி றது.அப்படிப்பட்ட விளக்கினை தமிழ்த் திரை,தலைப்புகளாலும் பாடல்களாலும், திரியேற்றி தீபமேற்றி கொண்டாடுகிறது.

  'பாவை விளக்கு''குடும்ப விளக்கு''பச்சை விளக்கு''ஒளி விளக்கு''அணையா விளக்கு''விளக்கேற்றியவள்'போன்ற பிரதான திரைப்பட தலைப்புக்கள் விளக்குகளுக்கு விழா கொண்டாடின.  இத்திரைப்பட தலைப்புகளில் 'குடும்ப  விளக்கு'என்பது பாவேந்தர் பாரதிதாசன் எழுதிய கவிதைத்தொகுப்பின் தலைப் பாக,தமிழையும் கவிதையையும் ஒருசேர அலங்கரித்தது. 

"விளக்கேற்றி வைக்கிறேன் விடிய விடிய எரியட்டும்

நடக்கப்போகும் நாட்களெல்லாம் நல்லதாக நடக்கட்டும்"

என்று 'சூதாட்டம்' என்னும் திரைப்படத் தில் P.சுசீலா பாடிய பாடலும்,

"குத்துவிளக்கெறிய கூடமெங்கும் பூமணக்க 

மெத்தை விரிந்திருக்க மெல்லிடையாள் காத்திருக்க" 

 என்று 'பச்சை விளக்கு' திரைப்படத்தில் டி.எம்.சௌந்தராஜனும் P. சுசீலாவும் பாடிய முதலிரவுப்பாடலும், வாழ்க்கைப் பாதையின் வெளிச்சம் கூட்டின.

  இந்த இரண்டு பாடல்களையும் கண்ணதாசன் எழுத,'சூதாட்டம்' திரைப் படத்திற்கு எம்.எஸ்.விஸ்வநாதன் தனித்தும்,'பச்சை விளக்கு' திரைப்படத் திற்கு ராமமூர்த்தியுடன் இணைந்தும், இசையமைத்திருந்தார். 

  சில நேரங்களில் ஒரே திரைப்படத்தில் 'விளக்கு' எனும் சொல் கொண்ட இரு பாடல்கள் அமைவதுண்டு அதற்கு ஒரு உதாரணமாக'ஏழை பங்காளன்' திரைப் படத்தில் அமைந்த இரு பாடல்களை கூறலாம். இந்த இரண்டில் டி.எம்.எஸ் தனித்துப்பாடிய 

"விளக்கு எரிகின்றது 

வெளிச்சம் தெரிகின்றது 

உறக்கம் கலைகின்றது 

உலகம் புரிகின்றது" 

எனும் தத்துவார்த்த தெளிவுப் பாடலும் P.சுசீலா பாடிய, 

"வீட்டுக்கு வந்த மச்சான் 

விளக்கை ஏத்தி வச்சான் 

இதையும் மாத்தி 

அதையும் மாத்தி 

கதையை மாத்தி வச்சான்"

  எனும் வேடிக்கையான பேச்சுமொழிப் பாடலும்,விளக்கினை திசைமாற்றி  எரியச் செய்தன.இதில் கே.வி.மகா தேவன் இசையில் உதித்த இவ்விரு பாடல்களில்,டி.எம்.எஸ் பாடலை கண்ண தாசனும் P.சுசிலாவின் பாடலை வாலியும் எழுதியிருந்தனர்..

  விளக்கின் ஒளியினை தன் காதலியிடம் காண்பவரின் மனத்திரியினை பாடலாக் கினார் கவியரசு கண்ணதாசன் 'நிறைகுடம்' திரைப்படத்தில். 

"விளக்கே நீ கொண்ட ஒளி  நானே 

விழியே நீ கண்ட நிழல் நானே 

முகமே நீயிட்ட திரை நானே 

முள்ளும் நானே மலர் நானே" 

  எனும் இந்த அருமையான வரிகளுக்கு, வி.குமார் மிக மென்மையாய் இசை யமைத்திருந்தார் 

'ஒளி விளக்கு' திரைப்படத்தில் 

"இறைவா உன் மாளிகையில் 

எத்தனையோ மணிவிளக்கு; 

தலைவா உன் காலடியில், 

என் நம்பிக்கையின் ஒளி விளக்கு" 

   என்ற P. சுசீலாவின் பாடல்  வரிகளில் உணர்வுகளை கண்ணீரால் இறை வனின் பாதங்களில்காணிக்கையாக்கி னார் வாலி.எம்.எஸ்.விஸ்வநாதன் இசையில் வலுவாக மக்கள் மனதில் வேரூன்றியது, இப்பாடல். திராவிட சித்தாந்தத்தில் இறைநம்பிக்கையை புகுத்திய எம்.ஜி.ஆரின் இத்திரைப் படப்பாடல் ,விமர்சனத்துக்குள்ளானது என்பதும், இப்பாடலுக்கு வலுக்கூட்டியது. 

  விளக்குக்கும் எண்ணெய்க்கும் உள்ள தொடர்பையும்,விளக்குக்கும் திரிக்கும் உள்ள உறவையும்,வெளிப்படுத்திய இரண்டு திரைப்படப் பாடல்கள் உண்டு 'படித்தால் மட்டும் தெரியுமா'படத்தில் டி.எம்.எஸ் பாடிய "ஓஹோஹோ மனிதர்களே"பாடலுக்கிடையே சத்தான அர்த்தமுடன் ஒலித்த, 

"விளம்பரத்தாலே உயர்ந்தவன் வாழ்க்கை நிரந்தரமாகாது 

விளக்கிருந்தாலும் எண்ணையில்லாமல் வெளிச்சம் கிடைக்காது" 

  எனும் கண்ணதாசனின் வரிகளும், 'தேவதையைக்கண்டேன்' திரைப்   படத்தில் யுகேந்திரனும்,கிரேஸ் கருணாஸும் பாடிய, 

"விளக்கு ஒன்னு திரிய பாக்குது; 

அது கொழுந்து விட்டு 

எரிய ஏங்குது" 

   எனும் விளையாட்டுத்தனமான வரி களும்,விளக்கு,திரி,எண்ணெய், ஆகிய வற்றின் முக்கோண பரிமாணத்தை பளிச்சென விளக்கினை.

  இந்த இரண்டு பாடல்களில் முதல் பாடலுக்கு விஸ்வநாதன் ராம மூர்த்தி யும் இரண்டாவது பா.விஜய்யின் வரிகளுக்கு, தேவாவும் இசையமைத் திருந்தனர். 

   திரைப்பட உலகைக்கடந்து, விடுகதை கள் பலவற்றிற்கு விடைகாண முடியா மனித வாழ்வில்,விளக்கங்களும் விடைகளும் காண்பதற்கு,அறிவே விளக்காகிறது என்பதே,நிச உலகின் ஒளிதரும் யதார்த்தமாகும். 

                                   =============0=============

Two incorrigible sons of Tamil cinema

  

    This blog already carries a post on two devoted sons depicted in the Tamil films, 'Emtan Magan'{2006} and 'Santosh Subramaniam' {2008}.Life is a blessing if all human relationships are in the best possible order, both within and outside each one's family. Love plays a pivotal role in family relationships, especially between parents and children. There are erring parents as there are ill tempered children. But in every case of parental and filial link, there is always a sustained hope for reform from wrong routes of attitudes and behaviour.

   Dominating parents understand the aspirations of their submissive sons, at one point of time and misbehaving children get retrieved from the bad clutches, by the long rope given by understanding parents. But in rare cases, children especially sons, never get reformed and are bent upon their reaching their ruining destination and doom. Two such sons occupy the centre space of this post. They are picked up from two Tamil films. One was the epoch-making film Thanga Padhakkam released in 1974 and the other is the brand-new film GOAT {2024} reputed for the effective use of AI too.

  Interestingly, the gap between these two films is a matter of five decades and in both the films the dads are police officers, one as the Superintendent of Police and the other as the head of the Special Anti-Terrorism Squad.{SATS}.While the chevalier donned the role of the majestic SP Choudhry in Thanga Padhakkam, Vijay appeared in dual roles as M.S.Gandhi heading SATS and his son Jeevan aka Akilan. Whereas in Thangapadhakkam, late Srikanth did the role of Jagan, the incorrigible son of Sivaji Ganesan. Incidentally, both the names Jagan and Akilan, refer to the ruler of the universe.

  Both the films focus on the theme of sons becoming an irredeemable curse imposed on the parents. But the significant difference between the two sons is that in the former, the mother- pampered son falls into a bad company of gamblers and thugs, and in the latter the son as a young boy is kidnapped by a dare-devil terrorist and groomed with a craving and unquenchable thirst for blood. Thangapadhakkam shows events leading to the marriage of the murderous son with the girl whom he loved, under the fond hope that the son might get reformed after marriage. But GOAT enlarges the demonized profile of the gangster son, with new generation designs.

  In Thangapadhakkam there was a lot of thrust on the emotional pangs of a proud, duty-bound father falling from the height of his professional glory, into the pit of pathos caused by the tragic climax of the father himself shooting down his terrorist son. He had to take that extreme step because the bragging son went to the extent of selling sensitive army documents to foreign agents. The son fell dead in the hands of his lovelorn but never loved, father. Thangapadhakkam which was earlier staged as a play, was filmed into an effective family drama, powerfully pictured by P.Madhavan, one of the most popular directors of the last century. Both Sivaji Ganesan and K.R.Vijaya excelled in their roles as the unfortunate parents of Srikanth, who did a wonderful role play as the notorious Jagan.

  GOAT became an action-packed film, with Vijay brilliantly reflecting the attitudinal difference between the father and son through his remarkable role play in dual roles, facilitated by very impressive dynamics in the makeover of the two profiles. GOAT also ends with a clueless shoot out drama involving the exchange of gun shots and leading to a surmise if the terrorist son is killed or not. Vijay's loud cries in a previous scene that shows his son as a boy presumably getting unidentifiably charred to death, would last long in the memories of his fans, as one of the mega hit scenes of his acting potential. Venkat Prabhu could certainly take credit for presenting an action thriller with a great deal of technology fillers.

P S:-The comparison of these two films came to the blogger's mind with striking similarities in theme between them and the character portrayal of sons turning into notoriously irredeemable and inhuman characters. The comparison should end here, because Thangapadhakkam will ever remain as one of the epic-like films of Sivaji Ganesan.

                               ==============0===============

இருகுரல்களின் இணைந்த இசைமுழக்கம்

 

 

   தமிழ்திரையிசையில் கடந்த நூற்றாண்டில் பாடகர் குரல்களை எளிதில் கேட்டறிய முடிந்தது. ஏனெனில், பாடகர்களின் எண்ணிக்கை குறைவு, பாடல்வரிகளின் தெளிவும் பாடகர்களின் எண்ணிக்கை குறைவும்,அவர்களின் தனித்தன்மை வாய்ந்த குரலும்,தானே அவர்களை அடையாளம் காட்டின. டி.எம்.சௌந்தராஜன்,சீர்காழி கோவிந்த ராஜன்,திருச்சி லோகநாதன் ஆகிய மூவரும் உரத்த குரல்களால் உள்ளங் களை வென்றனர்.

   சிதம்பரம் ஜெயராமனின் குரல் சிறப்பு எழுச்சி கொண்டதாக அமைந்திருந் தது..ஏ.எம்.ராஜா, கண்டசாலா,P.B.ஸ்ரீனி வாஸ் போன்றோர், மிருதுவான அதிர்வு களை உள்ளடக்கி, இசையை தங்கள் வசமாக்கினர். K.J. யேசுதாசும் ஜெயச் சந்திரனும், S.P. பால சுப்ரமணியமும் பின்னர் வந்து,திரையிசைக்கு திரட்சி யூட்டினர்.இன்றைக்கு தொழில் நுட்பம் குரல்களாலும் உத்திகளாலும்,வித்தை கள் பல புரிகிறது..

   மேற்சொன்ன கடந்தகால பாடகர்களில், டி.எம்.எஸ்ஸும்,சீர்காழியாரும் இணைந்து,பாடிய சில பாடல்கள் குரல் களால் உச்சம் தொட்டு கோபுரக் கலசங் களாயின.

  தொடக்க  காலத்திலேயே அமரதீபம் கற்புக்கரசி குலதெய்வம் போன்ற திரைப்படங்களில் அவர்கள் இணைந்து பாடியிருந்தாலும் 'சபாஷ் மீனா'திரைப் படத்தில் அவர்கள் இருவரும் இணைந்து பாடிய T.G.லிங்கப்பாவின் இசையில் அமைந்த கு.மா.பாலசுப்ரமணியத்தின் வரிகளான, 

"ஆசைக்கிளியே கோபமா 

என் அருகில் வரவும் நாணமா"

எனும் ஆரவாரப்பாடல் பட்டையைக் கிளப்பியது.

  இதனைத் தொடர்ந்து இருவரும் 'சம்பூரண ராமாயணம்' திரைப்படத்தில் இணைந்து, A.மருதகாசியின்,

"பாதுகையே துணையாகும் 

என்நாளும் உன் பாதுகையே

 துணையாகும்" 

   எனும் இதமான பாடலை,கே.வி.மகா தேவன் இசையில் பதித்துத்திளைத் தனர்.அதற்குப்பின்னர் இவர்கள் இரு வரும்,அல்லி பெற்ற பிள்ளை,உத்தம புத்திரன்,தாய் மகளுக்குக் கட்டிய தாலி, சிவகங்கைச் சீமை போன்ற பல படங்க ளில் இணைந்து பாடினர். ஆனால், 'கர்ணன்'திரைப் படத்தில் அவர்கள் பாடிய, 

"ஆயிரம் கரங்கள் நீட்டி 

அணைக்கின்ற தாயே போற்றி" 

   எனும் கண்ணதாசனின் வரிகள், விஸ்வநாதன் ராமமூர்த்தி இசையில் மனம் நிறைய அதிர்வுகளை ஏற்படுத் தின.பின்னர் 'பழனி' திரைப்படத்தில், மீண்டும் அவர்கள் இணைந்து பாடிய கண்ணதாசனின், 

   "ஆரோடும் மண்ணில் என்றும் நீரோடும்" பாடலிலும் ,

"அண்ணாச்சி வேட்டி கட்டும் ஆம்பளையா நீங்க"

 எனும் பாடலிலும் இருவரும் மீண்டும் இணைந்து அதே விஸ்வநாதன் ராம மூர்த்தி இசையில் மனதை இளைப் பற்றி,ஆரவாரமூட்டினர்.இந்த மூன்று  பாடல்களில்,முதல் பாடலில் திருச்சி லோகநாதனும் ஸ்ரீனிவாசும்,இரண்டா வது பாடலில் ஸ்ரீனிவாஸ் மட்டும் இணைந்தும், பாடல்களுக்கு மெருகேற்றி னர்.

   சௌந்தராஜனும் சீர்காழியாரும் மீண்டும் மகிழ்ச்சிக்கலவரமூட்டிய பாடலே 'வல்லவனுக்கு வல்லவன்'திரைப்படத் தில் வேதாவின் இசையில் இவர்கள் பாடிய, 

"பாரடி கண்ணே கொஞ்சம் 

பைத்தியமானது நெஞ்சம் 

தேடுதடி மலர் மஞ்சம் 

சிரிப்புக்கு ஏனடி பஞ்சம்" 

  எனும் பாடல் P. சுசீலாவும் இப்பாடலில் இணைந்தார் என்பது குறிப்பிடத் தக்க தாகும் 

  இவற்றுக்கெல்லாம் முத்தாய்ப்பாக சந்திரோதயம் திரைப்படத்தில் இவர்கள் மீண்டும் இணைந்து குரல்களால் பிரபலமாக்கிய எம்.எஸ்.விஸ்வநாதன் இசையில் வாலியின்,

"காசிக்குப்போகும் சந்நியாசி 

உன் குடும்பம் என்னாகும் நீ யோசி 

கங்கைக்குப்போகும் பரதேசி 

நீ நேற்றுவரையில் சுகவாசி" 

   எனும் பாடல்,வரிகளால் முழுவதும் கிண்டலில் களைகட்டி  எம்.ஜி.ஆரை யும் நாகேஷையும் இசைக்கூத்தில் மோதவிட்டு ரசிக்கச்செய்தது.

  மீண்டும் 'லட்சுமி கல்யாணம்' திரைப்படத் தில் இருகுரல்களும் எம்.எஸ் விஸ்வ நாதன் இசையில்,

"தங்கத்தே ரோடும் வீதியிலே

ஊர்க்கோலம் போகுதடா

செவ்வாழைப் பந்தலிலே

லட்சுமி கல்யாணம்''

  என்று கண்ணதாசன் வரிகளைப்பாடி, திருமண விழாவின் ஆரவாரத்தையும் உற்சாகத்தையும்,ஊரெங்கும் பறைசாற்றின.

 இந்த இரு இசைமேதைகளின் குரல் ஒலியின் கோபுரமாக மாறி காலத் தால் அழிக்க முடியாத காப்பிய கீதமே, ஏ.வி.எம் நிறுவனத்தில் உருவான 'ராமு' திரைப்படத்தில் எம்.எஸ்.விஸ்வநாதன் இசையில் கண்ணதாசன் வரிகளால் வரலாறு படைத்த,

"நம்பினார் கெடுவதில்லை நான்கு மறை தீர்ப்பு 

நல்லவர்க்கும் ஏழையர்க்கும் ஆண்டவனே காப்பு"

 என்று தொடங்கி,  

"கண்ணன் வந்தான்

அங்கே கண்ணன் வந்தான் 

ஏழைக் கண்ணீரை கண்டதும் 

கண்ணன் வந்தான்"

   என்று உருக்கமும் உணர்வு ஊட்டமும் ஒருங்கிணைந்து,மனதை உலுக்கிய மகத்தான பாடல்.

"தென்னகமாம் இன்பத்திருநாட்டில்" 

  என்று சீர்காழியார் ஒரு நீண்ட தொகை யறா தொடங்க, அவருடன் எஸ். ஜானகி யும் தொகயைறாவாக சிலவரிகளைத்  தொடர்ந்து அதற்குப்பிறகு

"நீங்க நல்லா இருக்கோணும் நாடு முன்னேற 

இந்த நாட்டிலுள்ள ஏழைகளின் வாழ்வு முன்னேற"

  என்று வாழ்த்துரைக்க, உடனே டி.எம். சௌந்தராஜனும் அந்த இருவருடன் இணைந்து, 

"உழைக்கும் தோழர்களே ஒன்று கூடுங்கள் 

உலகம் நமது என்று சிந்து பாடுங்கள்" 

   என்று முழங்க,கவஞர். புலமைப்பித்த னின் வரிகளில் எம்.எஸ்.விஸ்வநாதன் இசை யில் 'இதயக்கனி' திரைப்படத்தின் இந்த கோவிந்தராஜனுடன் சௌந்த ராஜன் சேர்ந்து பாடிய பாடலைக்கேட்டு, எம்.ஜி. ஆர் ரசிகர்களின் கரகோஷத் துடன்,திரை யரங்குளே அதிர்ந்து போன தெல்லாம் தமிழ்த்திரை வரலாற்றின் பொற்காலமே! 

    பின்னர் கே.பாலச்சந்தரின்'அனுபவி ராஜா அனுபவி'மற்றும்'பூவா தலையா' ஆகிய இருபடங்களிலும் இந்த இருவரும் வலுவுடன் குரல்களால் கொடிகட்டினர்,

"அழகிருக்குது உலகிலே 

ஆசையிருக்குது மனதிலே 

அனுபவிச்சா என்னடா கண்ணு 

அனுபவிப்போம்" 

என்று முத்துராமன் மற்றும் நாகேஷின் களிப்பைப்  பகிர்ந்தும்,    

"பூவா தலையா போட்டா தெரியும் 

நீயா நானா பார்த்துவிட்டு 

பூவிழுந்தா நீ நெனைச்சபடி 

தலை விழுந்தா நான் கேட்டபடி" 

   என்று  நாகேஷ் ஜெய்ஷங்கருக்காக போட்டியை களத்தில் இறக்கி களை கட்டி பாடிட, கேட்போர் நெஞ்சங்களில் உற்சாகத்தையும் மகிழ்ச்சி யையும் அள்ளி வீசினர்.இந்த இரண்டு படங்களுக்கும் எம்.எஸ்.விஸ்வ நாதன் இசையமைக்க முதல் பாடலை கண்ணதாசனும் இரண் டாம் பாடலை வாலியும் கவிதைக்  கபடி யாக்கினர்.

  'மகிழம்பூ' திரைப்படத் தில் D,B ராமச்சந்திரனி்ன் இசையில் இவர்கள் இருவரும் இணைந்து பாடிய  கவிஞர் மாயவநாதனின்,

"தனக்கு தனக்கு என்று ஒதுக்காதே 

செய்த தர்மம் தலைகாக்கும்  மறக்காதே"  

என்று ஒருவரும், 

"இருக்கு இருக்கு என்று கொடுக்காதே 

பணம் இல்லாத காலத்தில் தவிக்காதே" 

  என்று மற்றவரும், வாழ்க்கைத் தத்துவத் தின் இருகோணங்களை வரிகளால் செவிகளுக்கு வாய்மை ஒலிகளாக்கி னர்.      

  இவற்றுக்கெல்லாம் முத்தாய்ப்பாக 'அகத்தியர்' திரைப்படத்தில், குன்னக்குடி வைத்தியநாதன் இசையில்,இவர்கள்   மேடைகட்டி போட்டியில் இறங்கிய, 

"வென்றிடுவேன் நாதத்தால் வென்றிடுவேன்  

நாட்டையும் நாதத்தால் வென்றிடுவேன்"

 என்று சௌந்தராஜனும், 

"வென்றிடுவேன் 

உன்னை வென்றிடுவேன்  

அந்த பைரவி துணைவன் பாதம் பணிந்து 

உன்னை வென்றிடுவேன்"

  என்று சீர்காழியாரும்,கவிஞர் உளுந்தூர் பேட்டை சண்முகத்தின் வரிகளை வேல்க ளாக்கி பாடல் போர் புரிந்தனர்.இறுதியாக தேவரின்'தெய்வம்'திரைப் படத்தில் அதே குன்னக்குடி வைத்தியநாதன் இசை யில் இருவரும் முருகன் அருளால் இணைந்து கிட்டத்தட்ட ஒற்றைக்குரலாகிப் பாடிய,

"திருச்செந்தூரின் கடலோரத்தில் 

செந்திநாதன் அரசாங்கம் 

தேடித்தேடி வருவோர்க்கெல்லாம் 

தினமும்கூடும் தெய்வாம்சம்" 

  எனும் கண்ணதாசன் வரிகள்,கந்தனின் உருவத்தை கம்பீரமாய் பக்தர்கள் மனதில்  பதியச் செய்தன. 

   இப்படி தமிழ்திரைக்கடலில் இசை அலைகளாய் அடிக்கடி இணைந்து ஆர்ப்பரித்து எழுந்து கரையைத்தொட்டு பின்னர் மீண்டும் பக்குவமாய் கடலில் இசைந்தனர்,டி.எம்.செளந்தராஜனும் சீர்காழி.கோவிந்தராஜனும்!.

   தமிழ்த்திரை இசை வரலாற்றின் இந்த இரண்டு மாபெரும் அத்தியாயங் கள் அடிக்கடி ஒரே பக்கத்தில் இடம்பெற்று இசைப்புத்தகத்தின் இதிகாசங்களா யின! கடந்த நூற்றாண்டின் ஐம்பதுகளில் தொடங்கி எண்பது வரை அடிக்கடி இணைந்து குரல்களால் செவிகளுக்கு விருந்தாகவும், இறைவன் பாதங்களுக்கு காணிக்கையாகவும், இசை இன்பத்தை இருமடங்காக்கின.

   திருச்சி லோகநாதனும் சீர்காழியாருடன் குரலால் பலமுறை இணைந் திருந்தா லும  இந்த இரட்டையரின் இணைவும் இசைவும்,தனித்தன்மை வாய்ந்ததாக அமைந்து, தமிழ்த்திரை யிசை உலகத் தின் நாத பலத்தினை, விண்ணெட்டும் வீச்சுடன்,விரிந்து பரந்து பறக்கச்செய்தது என்பதே,காலம் உரைக்கும் சான்றாகும்!

   பி.கு:- இந்த இரு பாடகர்களும் இன்னும் சில பாடல்களில் இணைந்திருந் தாலும், அடிக்கடி கேட்கப்பட்டு நினைவுகளை வலுவாக ஆக்கிரமித்த பாடல்கள் மட்டுமே, இப்பதிவில் குறிப்பிடப்பட்டுள் ளன.

                                                ===============0==============