'போகிற போக்கில்'

"டிங்கிரி டிங்காலே மீனாட்சி டிங்கிரி டிங்காலே 

உலகம் போற போக்கப்பாரு தங்கமே தில்லாலே" 

என்று உலகின் மோசமானப் போக்கை  நையாண்டி செய்வதும், {'அன்பு எங்கே' பாடியவர், டி.எம்.சௌந்தராஜன் } 

"காலம் போற போக்க பார்த்தா யாரு பேச்சை கேட்பது 

கவலை பட்டு என்ன பண்ண ஆனவழி ஆகுது,ஆனவழி ஆகுது " 

என்று காலத்தின் குழப்பச்சூழலில் அத்துமீறிய விரக்தியில் மனம் போவதை யும், {'உலகம் இவ்வளவுதான்' பாடியவர் டி.எம்.எஸ் }

இதற்கு முற்றிலும் மாறாக,

"எங்கே போய்விடும் காலம்

அது என்னையும் வாழவைக்கும்

உன் இதயத்தை திறந்து வைத்தால்

அது உன்னையும் வாழவைக்கும்"

என்று காலத்தின் போக்கிற்கு  நம்பிக் கைக் கல் நடும் போக்கும், 

"கண் போன போக்கிலே கால் போகலாமா 

கால் போன போக்கிலே மனம் போகலாமா 

மனம் போன போக்கிலே மனிதன் போகலாமா 

மனிதன் போன பாதையை மறந்து போகலாமா"(பணம் படைத்தவன் படத்தில் டி.எம.எஸ் பாடியது)

  என்று போகும் பாதை சரியானதாக இருக்கவேண்டும் என்று சொல்லி நல்வழிப்பாதையை சுட்டிக்காட்டுவதும், போகிற போக்கில் நாம் கேட்டு ரசித்த, 'போகும் வழி' திரைப்பட பாடல்களாகும்.  

"போறவளே போறவளே பொன்னுரங்கம் 

என்ன புரிஞ்சுக்காம போகிறீயே நீ 

என் சின்ன ரங்கம்" 

என்று போகிற போக்கில் நேசிக்கிற பெண்ணை கலாய்ப்பதும் {'மக்களை பெற்ற மகராசி'திரைப்படம் பாடியவர்கள் T.M.S &P. பானுமதி  }

"நீ போகுமிடமெல்லாம் நானும் வருவேன் 

போ போ போ" 

  என்று தெனாவெட்டோடு காதலியை stalk செய்வதும் {'இதயக்கமலம்' பாடியவர்கள் P.B. ஸ்ரீனிவாஸ்,P. சுசீலா}

"இந்த  பெண் போனால் அவள் பின்னாலே

என் கண்போகும்".('எங்க வீட்டுப் பிள்ளை' பாடியவர்கள் டி.எம்.எஸ் மற்றும் P.சுசிலா) என்றும்,

"மெல்லப்போ மெல்லப்போ

 மெல்லியலாளே மெல்லப்போ

சொல்லிப்போ சொல்லிப்போ

சொல்வதை கண்ணால் சொல்லிப்போ"

('காவல்காரன்'பாடியோர் டி.எம்.எஸ்& P.சுசிலா)

  என்றும்,காதலிபோகும் பாதை எல்லாம் காதலனின் பார்வை பயணிக்கும் பொல்லாப் போக்கையும்,காதல் பயணத் தின் களிப்பூட்டும் திசைகளாய்க் காண லாம்.

"போனாலே போனாலே 

ஒரு பூவுமில்லாமல்  பொட்டுமில்லாமல் 

போனாலே" 

   என்று திருமணத்திற்கு முன் காதலி இறந்து போனதாக நினைத்துப்பாடு  வதும்,{'நீதிக்குப்பின் பாசம்' பாடியவர்,  டி.எம்.எஸ் }

"போனால் போகட்டும் போடா 

இந்த பூமியில் நிலையாய் வாழ்ந்தவர் யாரடா"

  ('பாலும் பழமும்' திரைப்படம்: பாடலைப் பாடியவர் டி.எம்.எஸ்)

  என்று மனம் அங்கலாய்த்து மயானப் பாதையில் போவதும்,வேறு சில திரைப் பாடல்களின் போகும் வழிப்பாடல்களா கும்! 

"போறாளே பொன்னுத்தாயி 

பொலபொலவென்று கண்ணீர் விட்டு 

தண்ணீரும் சோறும் தந்த மண்ணை விட்டு"

  {படம் 'கருத்தம்மா' பாடியவர் ஸ்வர்ண லதா }என்று பெண்மையின் சோகப் பயணத்தில், மற்றவர் மனம் உடன்போவ தும், 

"இதயம் போகுதே எனையே பிரிந்து"

 என்று காதலின் பிரிவை மனம் பின் தொடர்ந்து போவதும், {புதிய வார்ப்புகள் பாடியவர் ஜென்சி}'போகிற போக்கில்' நாம் காணும் வாழ்க்கையின் வேதனைச் சம்பவங்களாகும்! 

இவைகளுக்கு இடையே, 

"போடா போடா புண்ணாக்கு 

போடாதே தப்பு கணக்கு" 

  என்று  எகத்தாளமாய்ப் பாடிப்போவதும், {'என் ராசாவின் மனசிலே' படத்தில் கல்பனா ராகவேந்தர் ஆகியோ ருடன் வடிவேலுவும் இணைந்து பாடியது.}

போருக்கு செல்ல புறப்படும் கணவனிடம், 

"போகாதே போகாதே என் கணவா 

பொல்லாத சொப்பனம் நானும் கண்டேன்" 

     என்று கணவனைப்போக்கவிடாமல் தடுத்துக்கெஞ்சுவதும் {'வீர பாண்டிய கட்டபொம்மன்' பாடலைப்பாடியவர் P. சுசீலா} போகும் பாதையை 'போகிற போக்கில்',தடுக்கும் பாடல்களாகும்.

இந்த போகிற போக்கு வரிசையில் சிலநேரம், 

"போயும் போயும் மனிதனுக்கிந்த 

புத்தியைக் கொடுத்தானே! 

இறைவன்

புத்தியைக் கொடுத்தானே !

அதில் பொய்யும் புரட்டும் திருட்டும் கலந்து 

பூமியை கெடுத்தானே,

மனிதன் 

பூமியைக்கெடுத்தானே !'' 

{படம் 'தாய் சொல்லை தட்டாதே' பாடலைப் பாடியவர் டி.எம்.சௌந்தராஜன்}

என்று இறைவனையே சலித்துக்கொள் வதும் உண்டு'

   இந்த வித்தியாசமானப் பதிவில் பாட லாசிரியர்களும் இசையமைப்பாளர் களும்'போனால் போகட்டும் போடா'என்று போகிற போக்கில் புறக்கினிக்கப்பட்ட தற்கு மனம் மன்னனிப்பைதேடிப் போகி றது. இது போன்று போகிற போக்கில்  பயணித்த இன்னும் எத்தனையோ பாடல் கள் தமிழ்திரையில் உண்டு.பாடல்களின் திசைநோக்கி செவியும் மனமும் சேர்ந்து "போவோமா ஊர்கோலம்"னு போய்க் கொண்டே இருக்கட்டும்!

                              =================0=================

A homely film tour to humanism

    

   No weapons; no violence; no punch dialogues. But bunches and bunches of beaming emotions travel between minds like feathers flying between soft spots. This is what each one would feel, while watching Abishan Jeevith's soul awakening film 'Tourist Family'. The fact that the film has made a profit of more than a dozen times over its investment, speaks volumes about the success of simplicity in the midst of multi-crore film projects of audio-visual grandeur, involving mass heroes and super stars.

  Here is a film that society needs. A film that fills the minds with the truest essence of humanism. As Ramesh Thilak utters in the climax, at a time when people could be expected to be only after the power of money and politics, here everybody is after the power of the mind of the protagonist Dharmadas, meekly played by M.Sasikumar, whose wholehearted submission to humanism is exemplarily energizing.

  Here there are no actors. They are all shown as the flesh and blood of humanity influenced by the charming values of life, represented by a single individual and his family that socially celebrates humanity. Gentle and enchanting humour joins this celebration, which includes the ebullient role play of the cutest little boy Murali{Mulli} Dharmadas, brilliantly performed by Kamalesh Jagan.

  Two hours and eight minutes fly like butterflies filling the hearts of the viewers with softest emotions as tonic for s society weakened with wickedness, villainy and weapons. No blood is shed. Even the invisible case of police torture and death of a person under lock up,leading to the loss of job, and arrest of the cop concerned, vanishes in the midst of the hilarity and gusto of minds of different blocks getting closer, to the extent of forming a unanimous voice of the Sri Lankan Tamil dialect.

 The single word 'Kadhaithal' brings all together including the lone liquor addicted youth{a brief role of the director himself} who devoutly delights over the divinely human attributes of Dharmadas, for replacing the kind gestures of his departed mother, and reforming him into an acceptable youngster fit for a job abroad.

 The tour of humanism happens along the course of a horrid bomb blast for which the family of Dharmadas, illegally relocated to Tamil Nadu,is suspected to be reaponsible.But the power of humanity dissipates the suspicion with the single voice of uniquely sown seeds of love and fellow feeling.Thanks to Abishan Jeevith and his crew including the lyricist and music composer,for giving us a juicy fruit of humanism, stuffed with impeccable love.

Thanks to Jio Hot star for its OTT transmission of this lovable film. 

தமிழ்த்திரையிசை துள்ளல்கள்

 இருந்துள்ளி என்பரிதல் நெஞ்சே பரிந்துள்ளல் 

பைதல்நோய் செய்தார்கண் இல் 

   இரக்கமில்லா காதலரை எண்ணி கண்களில் நீர் துள்ளுவதால் பயன் என்ன எனும் பொருள் கூறும் திருக்குறள் ஒன்று வள்ளுவரின் காமத்துப் பாலில்  உண்டு. அல்லலில்லா வாழ்வில் துள்ளலுண்டு; ஆனால் துள்ள லில்லா வாழ்வனைத் துமே, துன்புறுவதுல்லை. துள்ளலும் துடிப்பும் மனச்சாயலின் மறுபிம்பங்களே! உள்ளம்,துள்ளியும் துள்ளாமலும் உடல் துள்ளும்.கேரளாவில் ஓட்டம் துள்ளல் என்றொரு நிகழ்ச்சி உண்டு. ஓட்டமும் துள்ளலும் வாழ்வின் வாட்டம் கடந்த வரப்பிரசாதமே!.

   தமிழ்த்திரையுலகு தலைப்புகளாலும் பாடல்களாலும் துள்ளிக்களிப்பூட்டியதை கண்டிருக்கிறோம்.'துள்ளாத மனமும் துள்ளும்'துள்ளுவதோ இளமை','துள்ளி  ஓடும் புள்ளிமான்'துள்ளித்திரிந்த காலம்' போன்ற திரைப்பட தலைப்புகளில் முதல் இரண்டும் முதலில் பாடல் வரிகளாகி மகிழ்ச்சியைக்கிளறி பின்னர் திரைப்படத் தலைப்புகளாயின. 

"துள்ளாத மனமும் துள்ளும் 

சொல்லாத கதைகள் சொல்லும்

கிள்ளாத  ஆசையை கிள்ளும் 

இன்பத்தேனையும் அள்ளும்"

  என்று 'கல்யாண பரிசு'திரைப்படத்தில் ஏ.எம்.ராஜா இசையில் ஜிக்கி பாடிய பட்டுக்கோட்டை கல்யாணசுந்தரத்தின் பாடல் வரிகள், இதமாய் செவிகளில் நுழைந்து, நெஞ்சைத் தாலாட்டி நம்மை உறங்கச்செய்தது, இன்றும் நினைத்துப் பார்த்து நெஞ்சுருகும் நிலையே! 

"முல்லை மலர் மேலே 

மொய்க்கும் வண்டு போலே"

என்று P. சுசிலா தொடங்க,அவரைத்  தொடர்ந்து,T.M.செளந்தராஜன்,

"வெள்ளியலை மேலே 

துள்ளும் கயல்போலே 

அல்லி விழி தாவக்கண்டேன் என் மேலே"

  என்ற, காதலியின் விழிகள் அலையின்  மேலெழும் மீன்போல,தன்மீது துள்ளித் தாவுவதை, அ.மருதகாசியின் பாடல் வரிகளாய் G.ராமநாதன் இசையில் 'உத்தம புத்திரன்'திரைப்படத்தில் கேட்டு கற்பனைத் துள்ளலில் காதல் வயப்பட் டோர் பலர் இருந்திருக்கக்கூடும்.

  இதிலிருந்து சற்று மாறுபட்டு துயில் கொண்ட காதலியை எண்ணி, 

"துள்ளித்திருந்த பெண்ணொன்று 

துயில் கொண்டதேனின்று

தொடர்ந்து பேசும் கிளியொன்று

பேச மறந்ததேனின்று"

  என்ற கண்ணதாசன் வரிகளை விஸ்வநாதன் ராமமூர்த்தி இசையில் P.B. ஸ்ரீனிவாஸ் பாடிட,அதைக்கேட்டு பலரின் இதயங்கள் இதமாய்த் துள்ளிய துண்டு 

  இந்த இதமான துள்ளலை பெருங் கொண்டாட்டத்துள்ளளாய் மாற்றிய பாடலே,'குடியிருந்த கோயில்'திரைப் படத்தில் சௌந்தராஜனும் L.R.ஈஸ்வரியும் பாடிய, 

"துள்ளுவதோ இளமை 

தேடுவதோ தனிமை 

அள்ளுவதோ திறமை 

அத்தனையும் புதுமை"

  என்ற வாலியின் ஆரவாரப்பாடல் வரி கள்,எம்.எஸ்.விஸ்வநாதன் இசையில் திரையரங்குகளில் பட்டையைக்கிளப்பி யது. இப்பாடல் பின்னர் 'ரி டியூன்'{retune} செய்யப்பட்டு இன்றைக்கும் பெரும் வரவேற்பைப் பெற்று இசைமான்களாய், இனிதாய்  துள்ளிக்குதிக்கின்றன.

   பாடுகின்ற நபரை பாடலுடன் துள்ளச் செய்த'சிப்பிக்குள்முத்து' திரைப் படத்தில் இடம்பெற்ற இளையராஜாவின் நெஞ்சில் ஒரு ராகமாக அமைந்த, வைரமுத்துவின் வரிகளான,

"துள்ளி துள்ளி நீ பாடம்மா 

சீதையம்மா"

எனும் எளிமையான கீதம்.

   இவை எல்லாவற்றிற்கும் மேலாக சூறைக்காற்றையே துள்ளச்செய்த வரிகளே,'இருதுருவம்'திரைப்படத்தில் எம்.எஸ்.விஸ்வநாதன் இசையில் சீர்காழி கோவிந்தராஜன் பாடிய,கண்ணதாசன் வரிகளால் நெஞ்சைக் குடைந்த,

"துள்ளிவரும் சூறைக்காற்று 

துடிக்கிதொரு தென்னங் கீற்று 

இல்லை ஒரு பாதுகாப்பு 

இதுதானா இறைவன் தீர்ப்பு"

என்று ஆக்ரோஷமாய், துடித்துத் துள்ளிய பாடல்.

   இப்படிப்பட்ட கவிதை வரிகளின் துள்ளல்களாலும்,இசைமுழக்கங்களின் துள்ளல்களாலும்,என்றென்றும் திளைத்து துள்ளிக்கொண்டிருந்த கால மொன்று உண்டு. தமிழ்த்திரைக்கு இந்த தமிழ்த்திரையிசை துள்ளல்கள் என்றென்றும் நம் நெஞ்சங்களில் கிளர்ச்சியூட்டும் கிள்ளல்களாகும் .

                           ===============0=================